Verhoor begin ná moord op Kimberley-sakeman

Piet en Rikkie. Foto: Facebook

Die verhoor van die sewe beskuldigdes wat aangekla word van die moord op Piet Els (86), ʼn bekende sakeman van Kimberley, het begin.

Els en sy vriendin, Rikkie Alsemgeest, albei bekende sakelui van Kimberley, is die aand van 23 Januarie 2018 op Els se plaas sowat 10 km buite die dorp aangeval. Els is sowat vier maande ná die aanval in die hospitaal dood.

Morapedi Rankali, Motlalentwa Qhautse, Lizbeth Ndlala, Themba Lawrence Maja, Oupa Jeffrey Mahomane, Samson Sam Mbokane en Jabulani Wilson Zuma het Dinsdag in die hooggeregshof in Kimberley verskyn.

Mojalefa Senokoatsane, woordvoerder van die Nasionale Vervolgingsgesag (NVG) in die Noord-Kaap, sê die beskuldigdes word aangekla van moord, huisbraak met die opset om te roof, roof met verswarende omstandighede, ’n misdryf van seksuele aard asook die besit van ’n ongelisensieerde vuurwapen.

Daar word beweer dat die beskuldigdes die aand van 23 Januarie 2018 by Els se plaasgehuis ingebreek en hom en Alsemgeest aangerand en gemartel het. Die beskuldigdes het glo geld, goue muntstukke, diamante, juwele, kameras, vuurwapens en Els se motor gebuit.

Luidens die ondersoek het Els aan die beserings wat hy tydens die aanranding opgedoen het, beswyk, sê Senokoatsane.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

11 Kommentare

Marius ·

Hmmm….. Dit vat sewe muise om ‘n ou man en vrou aan te val. Mag hulle vrot in die tronk.

Moedeloos ·

Nee wat hulle sal nie vrot nie, hul sal dan reeds op parool uit wees. Mens kan net nie wen teen hierdie regering en hul makkers nie

jlantie ·

7 van hulle om 2 ou mense te martel en vermoor. Wys net van wat is hulle aanmekaar gesit

Jannie van Niekerk ·

Nee Frank, die kerke sal beslis nie deelneem aan veroordeling van hierdie tipe misdaad nie want die eerste ding wat die predikant vir jou gaan sê is: ” vergewe hulle want hulle is jou naaste.” Dit was die eertse woorde wat ‘n predikant vir my gesê het toe ‘n familied van my destyds in ‘n plaasaanval vermoor is. Ek sal vergewe, maar my vergewe sal met arseen wees.

Jannie van Niekerk ·

Weereens word ‘n PLAASMOORD ‘n ander msidaad naamlik HUISROOF genoem. Is dit om die ANC regering, wat PLAASMOORDE uit en uit goedgesind is, te beskerm? Mnr Els was welbekend vir sy goeie werk onder sogenaamde voorheen benadeeldes en dit is die dank wat hy kry vir sy goedhartigheid,

Philip ·

Ek het ou Piet as jong manne in die destydse WesTVL redelik goed geken vanwee sy entrepenieurskap alhoewel hy sommige ouens lelik op die neus laat kyk het.Hy was n kleurvolle karakter so rus in vrede ou Piet.

Jannie van Niekerk ·

Ek het in die sewentiger jare as bankklerk in Kimberley baie pakkies vir Oom Piet afgelewer op Woensdaemiddae wanneer die bank toe was.

Swerwer ·

Dit is hoogtyd…………waarom na 3 jaar…………..seker weer Covid se skuld, maar 7 van hul om twee ou mensies aan te val en martel. Seer sekerlik sal daar weer wees wat by hul gewerk het of iemand geken het wat by hul gewerk het.

Jakes ·

Hoe kan hierdie gemors n aanwins vir die samelewing wees? Mag hulle vergaan in die tronk.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.