Verhoordatum vir Malema se vuurwapensaak bepaal

‘n Skermgreep uit die video wat wys hoe EFF-leier Julius Malema in Mdantsane in die Oos-Kaap glo met ‘n aanvalsgeweer losbrand.

Julius Malema, leier van die EFF, sal in Augustus verhoor word op die vuurwapenverwante aanklagte waarop hy tereg staan.

Malema en Adriaan Snyman staan tereg op verskeie aanklagte wat verband hou met Malema se beweerde afvuur van ʼn vuurwapen by die EFF se vyfjaarfeesviering in Mdantsane in 2018. Snyman het die vuurwapen glo vir Malema aangegee voordat dit afgevuur is. Snyman is na bewering die eienaar van ʼn private veiligheidsmaatskappy wat tydens die voorval dienste aan die EFF gelewer het.

Die aanklagte teen Malema behels die onwettige besit van ʼn vuurwapen, die onwettige besit van ammunisie en drie aanklagte van die oortreding van die Wet op Vuurwapenbeheer.

Snyman staan tereg op een aanklag van oortreding van dieselfde wet.

Anelisa Ngcakani, woordvoerder van die Nasionale Vervolgingsgesag (NVG), sê Malema en Snyman was albei vandag in die Oos-Londen-streekhof teenwoordig.

Die saak sal van 23 tot 27 Augustus aangehoor word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Pierre

Daar sal niks van kom nie, die beste uitslag wat ons kan verwag sal `n waarskuwing wees.

Pieter

ook 20 jaar later aangehoor en dan gaan hy 400 keer uitgestel word. Is alles so n klig.

Genis

Hoeveel keer moet dit nog uitgestel word? En sal sy Hof-Chommie Cele dit toelaat dat die ANC se skoot hondjie aangekla word?

Nozi

Ag nou hoeveel keer gaan hierdie saak nog uitgestel word. Ek wens hul wil nou hierdie mannetjie bere en klaar kry. Dan kan almal in rus en vrede leef.

LANA is ELANè

En ek voorspel die vonnis as volg, ‘n ligte tikkie oor die vingers met ‘n klein ou boetetjie daarby wat sê sorg net vlg keer dat niemand videos van jou neem as jy jou soos ‘n “trigger happy cowboy” gedra. Gewone wette geld mos nie as jy JM is nie daar is ‘n aparte stel reëls en wette vir hom en diesulkes soos hy