Verkeersbeamptes, handelaar in sop oor drank

(Argieffoto: pixabay)

Twee verkeersbeamptes en die eienaar van ’n drankwinkel het vandeesweek in die Potchefstroom-landdroshof in Noordwes verskyn nadat die verkeersbeamptes gedurende die algehele landwye afsondering glo opgemerk is waar hulle drank van die eienaar ontvang.

Die eienaar van die Overland-drankwinkel het na bewering ook drank aan ander klante gedurende die afsonderingstydperk verkoop.

Brig. Vish Naidoo, woordvoerder van die polisie, het in ’n verklaring gesê die verkeersbeamptes. Rullaine Jacob Williams (48) en Moses Kenosi Nche (50), asook die eienaar van die drankwinkel, Nelson Florentino Duarte (45), het hulle Donderdag omstreeks 15:57 aan die polisie in Potchefstroom oorgegee. Dit volg nadat die beweerde transaksie in Ikageng plaasgevind het.

Volgens Naidoo het die verdagtes dieselfde dag nog in die plaaslike landdroshof verskyn waar hulle op borgtog van R1 000 elk vrygelaat is.

Die verdagtes staan tereg op aanklagte van korrupsie en die oortreding van regulasies gedurende die afsonderingstydperk.

Dit is nie in dié stadium duidelik wanneer die verdagtes weer in die hof sal verskyn nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Jan

Ja wat sal ons se. Dit lyk my al die staats werkers is maar die selfde. Hulle weet nie wat is reg of verkeerd nie. Maar hulle wil dit toepas.

Nie Verbaas

Mnr Cele, die beamptes se agtergrond is seker ook deeglik nagegaan.

Willem

Dis wat n slaag syfer van 30 % doen .Ek geniet dit

Rodger17

Mooi man dis mos hoe verkeersbeamptes hulle moet gedra!Die eienaar van dopshop,jammer jys gevang want die regering jou in dai posisie geplaas.Nou kan die staat weer drank bymekaar maak.Ek kry so lekker as die mense skelm drank en sigarette koop en daarmee wegkom.Dit laat my oorweeg om na die inperking ook te begin smokkel

Fedup

Once obove the law, always above the law. R1000 bail. Wow. Even in these hard times, they get away with just a slap on the wrist. They won’t be going back to court, guaranteed.