Die ANC het teen 12:30 reeds meer as 5 miljoen stemme op hom verenig.
Die ANC het 5 068 836 of 63,03% stemme op hom verenig van die 8 159 517 stemme wat reeds getel is. Die DA het 1 821 452 of 22,65% van die stemme gekry.
Die Ekonomiese Vryheidsvegters (EFF) het 385 381 of 4,79% van die stemme gekry terwyl die IVP 185 681 of 2,31% van die stemme gehad het.
Die NFP het 123 928 of 1,54% van die stemme gekry, die Vryheidsfront Plus het 78 791 of 0,98% van die stemme gekry terwyl Cope met 63 057 of 0,78% van die stemme tevrede moes wees.
Die African Independent Congress (AIC) verras met 46 468 of 0,58% van die stemme. Dié party is van Matatiele in die Oos-Kaap. Die ACDP is kort op die AIC se hakke met 44 661 of 0,56% van die stemme. AgangSA het sover 16 6161 of 0,2% van die stemme gekry.