Die ANC se steun in die Noord-Kaap het aansienlik verbeter terwyl die DA vanjaar die amptelike opposisieparty in die provinsie is.
Die ANC se steun in die provinsie is sowat 4% meer as na die verkiesing in 2009.
Die DA het sy steun in die provinsie amper verdubbel en sodoende is hy nou die tweede sterkste party in die provinsie in vergelyking met die derde plek wat hy verlede jaar beklee het.
Die Ekonomiese Vryheidsvegters (EFF) is in die derde plek nadat hy 20 951 of 4,96% van die stemme gewerf het.
Cope was na die verkiesing in 2009 die tweede sterkste party in die Noord-Kaap nadat die party 67 416 of 16,67% van die stemme gekry het.