Verkoop van renosterhoring nou wettig in SA

Argieffoto: Reint Dykema

Die konstitusionele hof het die departement van omgewingsake se versoek om te appelleer teen ʼn vroeëre bevel dat die moratorium op plaaslike handel van renosterhoring gelig moet word, verwerp.

Dit beteken die verkoop van renosterhoring is nou wettig in Suid-Afrika. ʼn Internasionale verbod op die verkoop van renosterhoring bly egter van krag.

Edna Molewa, die minister van omgewingsake, het haar in Junie verlede jaar tot die konstitusionele hof gewend nadat die hooggeregshof vroeër beveel het dat die moratorium op plaaslike handel van renosterhoring gelig moet word.

Johan Kruger, ʼn wildboer van Limpopo, het hom in 2012 tot die hof gewend om ʼn moratorium, wat in 2009 op die plaaslike handel van renosterhoring geplaas is, te laat lig. John Hume, die grootste renosterboer ter wêreld, met meer as 1 000 renosters op sy plaas buite Klerksdorp, het in 2015 by Kruger se hofgeding aangesluit as die tweede aansoeker in die saak.

Die departement van omgewingsake (DEA) het die aansoek teengestaan. Die Noord-Gautengse hooggeregshof het in 2015 in Kruger en Hume se guns beslis en die moratorium ter syde gestel. Molewa het die hooggeregshof genader om verlof tot appèl, maar dit is van die hand gewys. Molewa het haar toe tot die hoogste hof van appèl gewend, maar die departement se aansoek is weer met koste van die hand gewys.

Wildlife Ranching South Africa (WRSA) en die Vereniging vir Private Renostereienaars het saam met Kruger en Hume as respondente in die saak opgetree.

Die koop en verkoop van renosterhoring in Suid-Afrika sal met die uitreiking van permitte gereguleer word.

Die internasionale kommersiële handel in renosterhoring word steeds, ongeag die besluit van die konstitusionele hof, ingevolge die konvensie oor die internasionale handel in bedreigde spesies (Cites) verbied.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

61 Kommentare

jongste oudste gewildste
m

Verstaan ek nou reg, so nou kan mense ma die laaste bietjie renosters uitmoor en hulle horings verkoop want dis mos nou wettig????

Es

Dinge raak al hoe erger in die land van ons. As dit nie die boere is wat uit gemoor word nie is dit gesinne in hul huise met diefwering as fit nie hulle is nie ks dit bejaardes in aftree oorde nou glad ons pragtige renosters. baie dankie JZ deur jou is alles wat onwettig was nou wettig in JUNK STATUS KORRUPTE LAND.

Skokkende nuus

WEL dan kan al die maatskappye en radiostasies en almal wat GELD insamel om die BEKAMPING van die MOORD op renosters nou maar die geld vir iets anders gebruik. As dit nou wettig is, laat al die skarmunkels vry wat in die tronke sit vir renosterhoring handel en vernietig nou maar nog die laaste renosters wat in die LAND is . VERNIETIG alles, kyk hoe lyk Noord AFRIKA, ons is vinnig oppad soontoe, daar is geen respek meer vir lewens nie, ook nie vir diere en die natuur nie, alles gaan oor GELD en HEBSUG. MOENIE dan nou aangaan oor… Lees meer »

Horing

Ja nee, daarsy, maar china is verkeerd. Wis hul maar net helemal uit, en kry klaar, dan kan ons skuif om n ander dier uit te roei

Ronel

Dit gaan beslis nie keer dat renosterhorings nie meer gestroop gaan word nie. Die koop van karre is wettig, maar nog word dit gesteel…. Kom dit nie maar op dieselfde neer nie? As jy die ding steel/stroop, kry jy dit verniet en kry nogsteeds geld/inkomste daaruit. So hoekom noe betaal…