Vermeende inbreker op Malmesbury-plaas doodgeskiet

Argieffoto: Kent Williamson

ʼn Vermeende inbreker is Maandagoggend vroeg op ʼn plaas naby Malmesbury in die Wes-Kaap doodgeskiet.

“Die voorval het omstreeks 03:45 plaasgevind,” het Siyabulela Malo, woordvoerder van die polisie, in ʼn verklaring gesê.

Twee mans het by die plaashuis ingebreek en die eienaar met skerp voorwerpe gedreig. “Die eienaar het reageer deur skote in die rigting van die verdagtes te vuur. Een van die verdagte is doodgeskiet. Die ander verdagte het te voet van die toneel gevlug.”

Malo het gesê die polisie fynkam die toneel vir leidrade. “Die polisie ondersoek ʼn saak van huisroof en moord. Niemand is nog in hegtenis geneem in verband met die voorval nie.”

Die polisie se ondersoek duur voort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

39 Kommentare

jongste oudste gewildste
Outoppie

As hy in jou huis is het hy klaar ingebreek. Hy is nie daar vir koffie en beskuit nie

Koos de Meyer.

Wat soek hulle daar die uur van die oggend daar. Ten minste was hierdie boer paraat.

Liezl

Ek sê ook welgedaan!

Gereg Seëvier

Dit het tyd geword dat boere hulself begin verdedig. Die PLAASMOORD syfer is heeltemal te hoog. Hoop hulle kry die ander een ook.

Andries

Snaaks genoeg word hulle inbreekers genoem. As hulle nog 2 minute gegun was, was hulle plaas aanvallers, en die paraat boer en sy mense dood. Nou is dit die boer wat seker weer vervolg gaan word vir moord.