Vermeende kabeldief erg beseer toe hy skok

Argieffoto

Argieffoto

ʼn Man het Vrydag brandwonde opgedoen nadat hy ʼn elektriese kabel naby ʼn treinstasie in New Canada, in die suide van Johannesburg, gesny het.

“Die man het op die grond lê en bloei toe ʼn tegnikus op hom afgekom het,” het Lillian Mofokeng, woordvoerder vir Metrorail Gauteng, in ʼn verklaring gesê. “Die tegnikus is omstreeks 06:00 ontbied om ʼn kragonderbreking in die gebied te ondersoek.”

Die man is na Baragwanath-hospitaal geneem en is tans onder polisiebewaking.

Hy het brandwonde opgedoen aan sy regterarm, linkerknie en nek en het snye op sy rug. Mofokeng het gesê die spoorwegmaatskappy word geteister deur kabeldiefstal in die gebied en dit lei tot vertragings vir Soweto-pendelaars.

“Ons waarsku alle oortreders en die algemene publiek om nie met elektriese kabels en ander infrastrukturele komponente te peuter nie, aangesien dit lewensgevaarlik kan wees en ook honderde pendelaars benadeel.

ʼn Saak van diefstal is by die Orlando-polisiestasie oopgemaak. -SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.