Argieffoto: Kent Williamson
ʼn 37-jarige vermeende misdadiger van Limpopo het sy eie lewe geneem toe lede van die polisie ná ʼn grootskaalse soektog daarin geslaag het om hom vas te trek.
Lt.kol. Moatshe Ngoepe, woordvoerder van die polisie, sê die man is in die Muledane-area in ʼn huurhuis vasgetrek.
“Die polisie het hom beveel om die deur oop te maak. Hy het egter geweier, en ʼn geweerskoot kon van binne die huis gehoor word,” sê Ngoepe.
Polisielede het gedwonge toegang tot die huis verkry en die man, wat reeds dood was, aangetref.
Die vermeende misdadiger is gesoek in verband met talle kapings, asook besigheids- en huisrooftogte. Hy het glo misdade gepleeg in Makhado, Hlanganani en Thohoyandou in Limpopo.
“Die oorlede is geïdentifiseer as die mees gesoekte verdagte,” sê Ngoepe.
En sy naam is ????
Lekker giggel ek nou vir jou, Liezl!
En so spaar hy die land baie geld!
kan hulle dit almal nie maar so maklik maak nie? ons sal baie tax-geld spaar om van tyd nie eers te praat nie!
Skote petoors
Lafaard !!