Vermeende reeksverkragter in Gauteng aangekeer

Argieffoto

ʼn Vermeende reeksverkragter is in die Wes-Rand in hegtenis geneem.

Die polisie vermoed die 37-jarige man is verantwoordelik vir minstens 10 verkragtings in Kagiso die afgelope agt maande.

Kol. Lungelo Dlamini, woordvoerder van die polisie, het gesê beamptes van die eenheid vir gesinsgeweld, kinderbeskerming en seksuele misdade glo hulle het “ʼn deurbraak gemaak in die ondersoek van meer as 10 sake van verkragting wat sedert November 2016 in Kagiso aangemeld is”.

“Nog slagoffers wat in ander gebied verkrag is, sal moontlik ook na vore kom terwyl die ondersoek voortduur,” het Dlamini bygevoeg.

Die man het Dinsdag in die Kagiso-landdroshof verskyn op aanklag van verkragting en roof. “Sy saak is tot 2 November 2017 uitgestel vir verdere ondersoek. Hy kan dan formeel aansoek doen om borgtog.”

Volgens die polisie is meeste van die slagoffers by die Parkstasie-taxistaanplek genader en hy sou saam met hulle na Tsepitsong reis waarna hy hulle in ʼn oop veld, naby ʼn plaaslike fabriek, sou verkrag.

“Dit het gewoonlik in die middae of vroegaand op Vrydae en Saterdae gebeur. Meeste van die slagoffers se selfone en kontant is gesteel.”

Die man is Maandag in Tsepisong in hegtenis geneem. Die polisie het van die slagoffers se besittings in sy besit gevind.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Johannes van Staden ·

Met n statistiek van 4 verkragtings elke minuut is SA . Geen wonder SA is in so n benarde situasie .Watse tiepe mense is oral om ons elke dag , die samelewing is VROT VROT VROT !

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.