Argieffoto
ʼn 43-jarige man is Sondag in Thohoyandou in Limpopo in hegtenis geneem op aanklag dat hy vermoedelik vyf minderjarige kinders, tussen vier en 10 jaar oud, verkrag het.
Twee van die slagoffers, onderskeidelik agt en 10 jaar oud, is sussies. Hulle is onderskeidelik op 20 en 21 Februarie vanjaar verkrag. Die drie ander slagoffers, onderskeidelik vier, sewe en nege jaar oud, is van verskillende gesinne, het brig. Motlafela Mojapelo, woordvoerder van die polisie, gesê.
“Die verdagte het na bewering al die slagoffers in sy huis in Tswinga Gotha in gedwing waar hy hulle verkrag het. Lede van die gemeenskap het inligting ontvang, die man aangekeer en hom begin aanrand,” het Mojapelo bygevoeg. “Die polisie is ontbied en beamptes het vinnig reageer. Hulle het die verdagte in hegtenis geneem.”
