Vermeende rower ná rooftog doodgeskiet

(Argieffoto: Kent Williamson)

ʼn Vermeende rower is Woensdagaand ná ʼn rooftog in Algoapark in die Oos-Kaap doodgeskiet.

“ʼn 39-jarige vrou het omstreeks 21:25 in haar motor, ʼn Toyota Corolla, by ʼn vulstasie in Uitenhageweg gesit en wag vir haar kêrel wat in die winkel was,” het kapt. Sandra Janse van Rensburg, woordvoerder van die polisie, gesê. “Die verdagte het die deur aan die bestuurder se kant van die motor oopgemaak en ʼn vuurwapen op die vrou gerig. Die verdagte het haar selfoon gegryp en oor die pad na New Brighton weggehardloop.”

Die vrou en haar kêrel het daarna na Struanwayweg gery – op soek na die verdagte. “Die vrou het die verdagte geïdentifiseer waar hy gestap het en haar kêrel het hom gekonfronteer.”

Die verdagte het ʼn vuurwapen op die kêrel gerig en die kêrel, wat ook gewapen was, het verskeie skote op die verdagte gevuur. “Die onbekende verdagte is op die toneel dood. ʼn 9 mm-vuurwapen en patrone en die gesteelde selfoon is gevind. Eienaarskap van die vuurwapen moet nog bepaal word,” het Janse van Rensburg bygevoeg.

Die polisie ondersoek ʼn saak van gewapende roof en ʼn geregtelike ondersoek word gedoen. Die vuurwapen sal vir ballistiese toetse gestuur word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Persheks Adri

Hoedeman waar is jou mense om die publiek te beskerm 24/7? Jy wil ons ontwapen en kyk nou net gggmmmfff

gatgogga

As die slagoffer van die roof se vriend nie ‘n handwapen gehad het nie, dan was die roof suksesvol.
Dus kan ons sien hoekom die kader met die hoed nie wil he dat die wetsgehoorsames handwapens moet besit nie.
Long leave, ANC, long leave!
Long leave, crime, long leave!

Vlerkie

Probleem is, die kêrel was nie deel van die beplande roof nie, hy was nie in die voertuig nie. Volgens die berig is niks geroof nie, sy het uitgespring en weggehandloop. Die “Kêrel” het met voorbedagterade na die kwaaddoener gaan soek en hom toe geskiet. Hierdie lyk nie goed vir die “Kêrel” nie. Dit is moord met voorbedagterade as jy my vra.

Tanniepetoors

As dit die “roofslagoffer” se metgesel is wat die “vermeende” rower geskiet het, het hy groot probleme. Moord met voorbedagte rade is maar een. Hoop vir hom dis ‘n wettige vuurwapen, maar vir die res van ons met wettige vuurwapens vir selfverdediging – slegte nuus. Uiters onverantwoordelike optrede.

quartus

die ou het n probleem. hy gaan van moord aangekla word.