Vermeende selfoon-bedrieërs in KZN aangekeer

Argieffoto

Argieffoto

Vier persone is in Dundee in KwaZulu-Natal in hegtenis geneem op aanklag van selfoonbedrog en vervalsing.

Kapt. Nqobile Gwala het gesê die persone is Vrydag in die middestad van Dundee in hegtenis geneem nadat hulle glo selfoonkontrakte by een van die groot diensverskaffers opgegradeer het met vervalste dokumente.

“Verdere ondersoek het aan die lig gebring dat die persone glo ook in Glencoe, Dundee, Newcastle en Ladysmith bedrywig was. Die polisie het beslag gelê op talle vervalste dokumente, waaronder identiteitsdokumente met verskillende foto’s,” het Gwala bygevoeg.

Die polisie stel ondersoek in om te bepaal of die verdagtes ook met ander sake verbind kan word.

“Hulle staan tereg op aanklag van korrupsie en sal binnekort in die hof verskyn. Hulle is almal oorspronklik van Johannesburg en het met ʼn motor met Gauteng-nommerplate rondgery,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

Cherokee ·

Die laaste paragaaf verduidelik alles! Hulle is oorspronklik van Johannesburg. Ons is nie so in KZN nie, dit is die Jo’burgers wat in Natal gevang word met hul skelmstreke. Die Gautengers besorg aan ons provinsie ‘n reputasie.

Pik ·

Duidelik lees jy net wat jy wil julle is nie so onskuldig soos jy voorgee lees al die nuus voor jy klippe gooi

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.