Vermeende verkragter verdwyn voor hofverskyning

Jan Lewis Strydom (42) (Foto: SAPD)

Die polisie in die Noord-Kaap is al ʼn jaar lank op die spoor van ʼn man wat die oggend voor sy hofverskyning spoorloos verdwyn het. Jan Lewis Strydom (42) was veronderstel om in die hof te verskyn in verband met klagtes van verkragting en kinderpornografie.

Kapt. Sergio Kock, woordvoerder van die polisie, sê Strydom het glo in Maart 2016 ʼn 11-jarige meisie in Victoria-Wes in die Noord-Kaap verkrag.

Strydom was op 23 Maart 2020 veronderstel om in die distrikshof in Victoria-Wes te verskyn, maar hy het nie opgedaag nie. ʼn Lasbrief vir sy inhegtenisneming is uitgereik en hy word sedertdien gesoek.

Mense met meer inligting wat die polisie kan help om Strydom op te spoor, kan die ondersoekbeampte, kapt. Wietz Coetzee van die De Aar-polisie se eenheid teen gesinsgeweld, kindermishandeling en seksuele misdrywe (FCS), by 082 495 5224 bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Phillip

Hy doen net wat sy x presedent doen dis al (if joe can beet them join them ) (waht te manckie see teh manckie doe )

petro

dit is nie juis nuus nie want hy moes al lankal agter tralies gewees het

pompies

Liewe hemel julle het 4 jaar gehad om die saak teen hom te begin, nou na 4 jaar begin julle hom te soek. Die man kan lankal dood wees vir al wat julle weet, dit is julle eie skuld dat hy verdwyn het magtig julle weet nie wat julle doen nie.

JM

En só gaan dit met alles in die land: kan julself nie in rat kry en doelgerig optree nie. Die wil ontbreek totaal!

Cecilia

Hy os lankal veilig in Botswana of Namibie. Weer besig met sy sekskepades. Borg word te maklik toegestaan. Het niemand in 5 jr sy borgvoorwaardes opgevolg nie?
Patete!