Vermiste baba dood gevind

Argieffoto

Die polisie in Levubu buite Thohoyandou in Limpopo is op soek na die moordenaar van ʼn babaseuntjie wie se liggaam Maandag op die perseel van sy dagskool aangetref is.

Kol. Moatshe Ngoepe, woordvoerder van die polisie, sê die 14 maande oud seuntjie is gister om 08:00 as vermis by die polisie aangemeld. “Die baba het in die Khwekhwe-nedersetting vermis geraak. Hy het na bewering langs sy pa gelê en slaap. Daar word beweer die pa het Sondagaand omstreeks 20:00 opgestaan om toilet toe te gaan en toe hy teruggekom, was die kind weg,” sê Ngoepe.

“Die baba het glo by die pa gebly. Die pa en ma is vervreem.”

Nadat die baba as vermis aangemeld is, het die polisie onmiddellik met ʼn ondersoek na die saak begin. Die seuntjie se liggaam is met veelvuldige beserings in sy dagskool se erf, nie ver van die pa se huis nie, aangetref.

“Die motief vir hierdie voorval is nie tans bekend nie, maar die polisie se ondersoek sal dit bepaal. Die persoon of persone betrokke by hierdie gruwelike moord, is tans nog onbekend,” het Ngoepe gesê.

Enigiemand met inligting oor die voorval word versoek om kol. Chabiseka Micheal Baloyi by 082 565 7345 of Stop Misdaad by 08600 10111 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Theresa

Dis siek verby!! Daardie arme weerlose ou dingetjie het niemand niks gedoen nie!!

Adri

ANONIEM as ek die berig reg lees was die pa badkamer toe en toe hy terug kom is kind weg…. dit klink of kind gevat is toe hy uit is om badkamer toe te gaan…

ai dis so jammer dat onskuldige kinders wat hul nie self kan beskerm nie aan gevat word…

Lynette

@Anoniem. Die nuusberig stel dit DUIDELIK dat die Pa toilet toe gegaan het en met sy terugkeer was die kind weg.

Heksie

Dalk die ma wat wraak neem ….

Dirk

Hierdie klink nie vir my reg nie,sommer net so uit die bed gevat.Hulle kan maar ondersoek instel na een van die ouers.Hoe baie kry mens dit nie deesdae dat die ouers die kindertjies aanrand omdat hulle huil of bie lastig is nie