Vermiste Brakpan-vrou se liggaam gekry

Yolandi Botes (35) het op 26 April spoorloos verdwyn (Foto: Truth and Justice Continue, Facebook)

Yolandi Botes (35) van Brakpan, Gauteng, se ontbinde liggaam is digby die Vaal-vakansieoord by Villiers in die Vrystaat gevind.

Botes is op 26 April omstreeks 06:30 die laaste keer by die OR Tambo Internasionale Lughawe in Johannesburg gesien toe ’n Uber-bestuurder haar opgelaai het. Sy het egter nooit haar bestemming bereik nie en is daarna as vermis aangemeld.

Brig. Motantsi Makhele, woordvoerder van die polisie, sê ’n pa en seun het Dinsdag by die Vaal-vakansieoord visgevang toe hulle iets wat soos ’n liggaamsdeel lyk, in die water gewaar het. Hulle het die polisie na die toneel ontbied.

“Die polisie se duikeenheid het verskeie liggaamsdele in die rivier ontdek,” het Makhele bevestig.

Makhele sê die polisie kon deur ’n tatoeëermerk vasstel dat die liggaam dié van Botes is.

Enigiemand met meer inligting oor die moord kan ao. Theun Fourie by 082 351 1622 bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

15 Kommentare

Anthony ·

Aaklig….klink soos iets wat mens net in films te sien kry.

Niklaas ·

Dis werklik steurend om van sulke dinge te hoor, en in meeste gevalle is dit vrouens wat die slagoffers is. Ons sien dit op DSTV se misdaad kanale.

Tanniepetoors ·

Ag nee. Hartverskeurend. Innige simpatie en baie, baie sterkte aan die familie en vriende.
Aan almal wat Uber en Bolt gebruik: Maak asseblief seker dat jy die bestuurder identifiseer en gebruik die sekerheidsmaatreels wat die Apps bied.

Tiptol ·

Beteken dit sy het nie na die nr plaat gekyk nie. Kan mens die bestuurder vra vir ‘n id om sy naam te bevestig?

SwartBees ·

n Ander forum sê sy het in n kar geklim wat homself as n uber voor gedoen het. Die oorspronklikke uber was opsoek na haar. Sterkte aan die familie.

Tipper ·

moenie Uber gebruik nie, vra jou vriend om jou te neem en kom haal

Samuel ·

Beslis aaklig. Simpatie en sterkte aan die familie en naasbestaandes. Mag die polisie die skuldige vind en aan die pen laat ry.

Blikke ·

So moeg vir die onsinnigheid om te moor vir geen rede. Kan die skuldige tien keer aan die pen laat ry maar dit laat nie die moord op n onskuldige vrou ongedaan en more is alles weer reg nie!!! GATVOL!!!

Andries ·

Elke jan rap is nou Uber drywer. Goeie idee om mense te roof.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.