Vermiste hengelaar dood gevind

Hans Roelofsen. Foto: Facebook

Hans Roelofsen. Foto: Facebook

Hans Roelofsen, ʼn inwoner en hengelaar van Tweni naby Port Shepstone in KwaZulu-Natal, se liggaam is Saterdag opgespoor nadat hy vyf dae vermis was.

Maj. Thulani Zwane, provinsiale polisiewoordvoerder, het aan Maroela Media gesê Roelofsen is Dinsdag 30 Junie vir die laaste keer om 06:30 gesien toe hy vermoedelik met sy wit Toyota-bakkie gery het om te gaan hengel.

ʼn Vermistepersone-saak is deur sy familie aanhangig gemaak toe hy nie die dag teruggekeer het nie.

“Die polisie het saam met ʼn opsporingsmaatskappy gewerk en die sein van ʼn toestel in sy bakkie nagegaan,” het Zwane gesê. “Ondersoekbeamptes het Saterdagoggend die sein tot ʼn gebied naby Batstone Drift gevolg, waar die bakkie gevind is.”

Roelofsen se liggaam buite sy bakkie tussen suikerriet gevind. Hy is in die kop geskiet. “ʼn Vuurwapen het langs sy liggaam gelê,” het Zwane bygevoeg.

Die polisie doen ʼn geregtelike doodsondersoek. Geen vuilspel word vermoed nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Hannelie

Hy het ‘n koeëlwond aan sy kop gehad.

Piet Spies

Hiers te veel mense wat dink dit is hulle plig om Maroela Media afrikaans te leer. Word liewers ‘n onderwyser dan kan jy heeldag foute uitwys en reghelp. As MM julle pla, hou verby. Gaan lees News24! Kinderagtige klomp!

SNEL

Ek stem, Piet Spies, ek is baie dankbaar vir Maroela en die geleenthede om die nuus elke dag te kan lees en dit nog gratis. Baie dankie Maroela!

Rln uit New Zealand

Ek stem saam Piet en Snel….. Hulle kry die nuus verniet dan kla hulle nog!… gaan lees News24 waar jy moet betaal dan kan jy kla.
Dankie Maroela vir die nuus wat ons so lekker kan lees al is daar hier en daar n fout. Niemand is volmaak nie.

Estelle

Ek geniet MM se nuus. Daar sal maar altyd kla-gatte wees, al kry hul iets verniet!