Vermiste Kaapse prokureur gevind

Johan Loubser

Die 32-jarige prokureur van Kaapstad wat Dinsdagoggend spoorloos verdwyn het, is gevind.

Johan Loubser se stiefma, Hannelie Loubser, het bevestig hy is gevind. “Johan is gevind; sal later besonderhede hê,” het sy gesê.

Op ʼn vraag of Johan ongedeerd gevind is, het sy gesê “hy is in ʼn slegte toestand fisies en emosioneel maar hy is oukei”.

Johan moes 09:00 Dinsdagoggend by die hooggeregshof in Kaapstad gewees het, maar het nie opgedaag nie.

Sy werkgewer is na sy woonstel in Bloubergstrand nadat hy nie by die hof opgedaag het nie. “Hy het gesien die woonstel is gesluit en het by die motorhuis ingekom waar hy Johan se motor gesien het,” het Loubser vroeër gesê.

Sy woonsteldeur is ook oopgebreek en sy selfoon en beursie is in die woonstel gevind.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
Joan Strydom

Dit is algehele tydmors om die berig te lees! Ek het in die eerste plek nie geweet die persoon is vermis nie. Nou is hy gevind maar die besonderhede word nie verskaf nie. Berig dan liewer glad nie.

Riaan

As jy vier berigte onder toe lees sal jy die vermiste berig kry. Kyk eers dan skêl jy.

C

Ek dink Dis fantasties dat Maroela so spoedig laat weet hy is gevind al het hul nie meer inligting nie. Baie van ons het die berigte dopgehou nadat vanoggend berig is hy is weg en toe hy gevind is is dit weergegee.
Well done Maroela.
Waaroor al die vyandigheid??

Essa

Genugtig Joan, is jy maar net so vreeslik nuuskierig? Baie bly jong man is gevind; sterkte vir almal wat die ding moet ontrafel en verwerk – trauma sal hier beslis wees.

DS

Joan Strydom lees eers die ouer artikels en dan die nuutste…. (net goeie advies om nie jou naam so met plank te slaan nie) Of wou jy miskien slegter nuus oor die jong man gehad het want jou reaksie is VREEMD.