Julius Verhoog (68) is op 28 Februarie die laaste keer by sy huis in View Village in Islandview, Mosselbaai, gewaar (Foto: Missing Children South Africa, Facebook)
’n Man van Mosselbaai wat al sedert Februarie vanjaar vermis word, se motor is Maandag gevind.
Julius Verhoog (68) is op 28 Februarie die laaste keer by sy huis in View Village in Islandview, Mosselbaai, gewaar.
Sers. Christopher Spies, polisiewoordvoerder, sê personeel van CapeNature het Maandag omstreeks 11:40 ’n grys Citroën-motor aan die voet van die Robinson-pas by Mosselbaai gevind. Dié motor is in Verhoog se naam geregistreer.
“’n Ontbinde liggaam van ’n man is in die motorwrak gevind. Da Gamaskop-polisie het ’n geregtelike doodsondersoek van stapel gestuur,” bevestig Spies.
“Die identiteit van die persoon wie se liggaam in die motor gevind is, moet nog vasgestel word.”
Ag ja onse Suid- Afrika…sterkte bir naasbestaandes
Sjoe dis baie tragies… darem kan sy familie afskeid neem.
Mens wonder hoe lank die voertuig daar was en of dit van die pad af sigbaar was. Vreemd.
Sterkte aan familie en vriende.
Daai motor was defnitief nie langs die pad vir 3 maande nie, miskien by n afgrond af of in die bos. RIV.
Vier maande vermis, genade dis hartseer dat die voertuig nou eers gevind is. Hoop regtig dat dit mnr Verhoog is, dat die familie ten minste weet. Ai ek huil sommer!