Vermiste NW-vrou se liggaam gevind

Elsa Erasmus. Foto: Facebook

Elsa Erasmus, die vrou van die Schweizer-Reneke-distrik in Noordwes wat sedert Saterdag vermis was, se liggaam is gevind.

Sers. Kelebogile Moleko, woordvoerder van die polisie, het aan Maroela Media bevestig Erasmus se liggaam is naby haar plaas tussen Amalia en Vryburg gevind. Sy het gesê Erasmus se bakkie is ook gevind ʼn paar kilometer van waar haar liggaam aangetref is.

Volgens Moleko sal die oorsaak van Erasmus se dood deur ʼn nadoodse ondersoek bepaal word.

Maroela Media het vroeër berig ʼn grootskaalse soektog is na Erasmus van stapel gestuur nadat sy Saterdag uit haar huis verdwyn het. Hannes de Jager, eienaar van ʼn spoorsnymaatskappy van Hertzogville wat by die soektog betrokke was, het aan Maroela Media gesê Erasmus se familie het bekommerd geraak nadat hulle Saterdag omstreeks 17:30 haar nie telefonies in die hande kon kry nie.

Iemand is na die plaas, waar Erasmus alleen gewoon het, om ondersoek in te stel en het gesien dat die inhoud van die huis omgekeer is asof daar ʼn inbraak was. Erasmus se Toyota Hilux-bakkie was ook vermis.

Volgens inligting op sosiale media was Erasmus 74 jaar oud.

Die polisie ondersoek ʼn saak van moord en huisbraak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

71 Kommentare

jongste oudste gewildste
Adriaan van Wyk

Daar raak sy deel van die statestiek. Plaasmoorde sal nooit n prioriteits misdaad word nie. Die plaasmoorde is polities gedrewe. Ons eie president sing dan kill the boer om nie eers praat van Malema nie.

Mk

Still bly is ook n antw o hell sal hul kry

Anoniem

14/88

Martins

Nog n plaasaanval.wanneer gan daar iets ernstig aan gedoen word.

T

Dit is baie tragies om op so mooi ouderdom vermoor te word. Nee wat dit gebeur nog elke dag. Kinders moenie toelaat dat hul ouers alleen op plase woon nie!