Vermiste polisieman se liggaam gevind

Ao Dion Juan Gaston Dumas (57), gestasioneer by Malmesbury-polisiestasie

Ao Dion Juan Gaston Dumas (57), gestasioneer by Malmesbury-polisiestasie

Twee persone is in hegtenis geneem in verband met die moord op ao Dion Dumas (57) van Malmesbury-polisiestasie, wat op Oukersdag verdwyn het.

Konstabel Henry Durandt, ondersoekbeampte, het aan Maroela Media bevestig Dumas is op onnatuurlike wyse oorlede. “Sy liggaam is Dinsdag gevind. Die forensiese beamptes is nog steeds op die toneel.”

Maroela Media het vroeër berig Dumas is Saterdagmiddag weg om ʼn geskenk by sy ma se dokter se huis af te laai. Volgens die dokter was hy daar en hy is omstreeks 16:00 daar weg.
Dumas is egter nie daarna weer gesien nie.

“Die oorsaak van sy dood word nog ondersoek. Ons kan dit nie in hierdie stadium bevestig nie.”

Durandt het verduidelik die polisie het ook Dumas se motor, ʼn wit BMW 318, teruggevind. “Die persoon wat die motor bestuur het, is in hegtenis geneem,” het hy gesê.

Volgens hom is dit nog nie duidelik wanneer die persone, wat in hegtenis geneem is, in die hof sal verskyn nie. “Die ondersoek duur nog voort, maar hulle bly in aanhouding by Atlantis-polisiestasie.”

Dumas was die bekende sangeres Jennifer Zamudio se neef.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Glenda

So hartseer….hy het altyd n glimlag saam met die groet gehad…mag hy nou in vrede rus..en mag die Here sy familie troos deur hierdie moeilike tyd.

greeneyes

Bring die doodstraf weer terug asb.

eugene

dis al ding wat ek glo gaan als reg ruk! glo dit of nie elke liewe mens wat tax betaal betaal vir die crimineel se bord kos en so genoemde dak oor sy kop wat ek dink is nie aanvaar baar nie hy maak die gemors dan moet jy hom nog sorg ek stem vir i dood straf se trug koms

Basjan

Mens kannie die doodstraf terugbring nie dis rassisties

Elaine

Eugene ek stem 100% saam met jou. Genoeg is genoeg. Hoekom moet die belastingbetaler sorg vir misdadigers.