Vermiste Pta-tiener is dalk ontvoer

Monica Gaus. Foto: Facebook

Monica Gaus. Foto: Facebook

Die soeke na Monica Gaus (15), die tiener wat Vrydag uit haar ouerhuis in Pretoria verdwyn het, word nou deur die gesinsgeweld- en kinderbeskermingsdienste ondersoek omdat daar vermoed word dat sy moontlik ontvoer is.

Maroela Media het vroeër berig Monica is Vrydagoggend die laaste keer deur haar ouers gesien toe hulle op pad werk toe was. Sy het aan haar ma gesê sy wou die dag by die huis sou bly, omdat sy nie lekker gevoel het nie. Monica is glo later deur iemand in ʼn wit Corsa-bakkie opgelaai.

Kapt. Coba Brits, woordvoerder van die polisie, wou nie Woensdagoggend meer kommentaar lewer nie omdat dit moontlik die ondersoek kan beïnvloed. “Al wat ek nou kan sê, is dat die ondersoek voortduur,” het sy gesê.

Intussen het Ronnie Meyer, Monica se stiefpa, aan Maroela Media gesê hulle vrees vir die ergste nadat dreigende boodskappe op Facebook geplaas is. Meyer het gesê hulle weet nie wie die boodskappe plaas het en of Monica daarvan bewus is nie. Hy het egter gesê daar word vermoed dat sy nie meer in Pretoria is nie.

Monica is blond met ʼn ligte vel en medium gebou. Sy het ʼn blou denimbroek en ʼn rooi sweetpaktop aangehad toe sy laas gesien is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
M

Sy het dan by die huis gebly omdat sy nie lekker gevoel het nie. Hoe word sy dan met ‘n wit Corsa bakkie opgelaai. Klink nie vir my rêg nie.

Knersus D

The dawn is nigh, maar ons weet nie waar hulle is nie..

Chantelle

Sy was nie verniet by die hek nie, sy het seker gewag vir die bakkie, die bediende het mos gese sy het met iemand gechat op haar cell, maak nie sin nie, sy wil by die huis bly, something fishy, sy het gejok, sy was up to something die tiener.

M

Ek haat Facebook. Mens is heeltyd bekommerd oor die kinders. Die goed wat hulle daarop sien is soms skokkend. Maar Groepsdruk maak dat mens hul tog nie daarvan kan weerhou nie.

Genoeg is genoeg

Ek sukkel om te verstaam hoe iemand wat onvoer is die tyd het om facebook profiles em foto’s te update. Gaan kyk gerus, 2ure gelede…. Daar is groot fout met die wereld as bedorwe en ondankbare kinders goeie mense se tyd emn simpatie mors….