Vermiste seuns dood aangetref

Onalenna Molehabangwe en Gontse Cholo.

Die twee jong seuns wat Dinsdag uit ʼn parkie in Mahikeng, Noordwes, verdwyn het, se liggame is gevind.

Volgens sers. Lesedi Dingoko, woordvoerder van die polisie, is die liggame van Onalenna Molehabangwe en Gontse Cholo, albei tien jaar oud, in ʼn swembad by een van die huise in Imperial Reserve in Mahikeng gevind.

Dingoko het gesê ʼn geregtelike doodsondersoek word in dié stadium gedoen. Die polisie het vroeër gesê hulle vermoed die seuns is uit die parkie ontvoer.

Die seuns het in ʼn parkie in Montshiwa, ʼn uitbreiding van Mahikeng, saam met nog ʼn maat gespeel toe dié twee glo deur drie mans met ʼn pak aartappelskyfies na ʼn Volkswagen Polo-motor gelok is.

Die verdagtes het die seuns na bewering gegryp waarna hulle in die kattebak van die motor ingeboender is. Die verdagtes het met die seuns weggejaag, het Dingoko vroeër gesê.

Albei was leerders aan die Podile Primary School in die Ramosadi-nedersetting in die omgewing.

Lt.genl. Baile Motswenyane, provinsiale polisiekommissaris, het haar medelye met die seuns se families uitgespreek en ʼn beroep op lede van die gemeenskap gedoen om kalm te bly en die polisie die geleentheid te gee om ʼn deeglike ondersoek na die voorval te doen.

Enigeen met inligting in verband met die voorval kan kapt. Manko Tiroyabone by 076 529 5066 bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

51 Kommentare

jongste oudste gewildste
willem Botha

Dit is regtig hartseer dat kinders nie meer veilig is in n parkie nie , en met die afwesigheid van regte polisie is dit seker ons voorland.

Joe

Dit is verskriklik dat kinders in ons samelewing so geteiken word. Nie net kinders nie; ou mensies, vroue selfs diere word sonder genade gemartel en vermoor. Die siekte het geen kleur of ras nie, die kwesbaarste in ons samelewing word nie beskerm nie. Politieke leiers het eie agendas vir persoonlike gewin totdat so tragedie met hulle gebeur dan word dit vir n rukkie aan die groot klok gehang.

ES

Hoekom twee onskuldige kinders vermoor? Vir watter rede? Absoluut sinneloos!

Snoopie

Moord en doodslag, van kleine kind tot gryse mens het n volkspele geraak in Suid -Afrika!! Asof so iets algemeen in die res van die Wereld is. DIT IS NIE!!! Suid -Afrika is tans tops die mees geweldadigste Land op hierdie Planeet!! Ek kan nie eens se, slaap rustig nie. Ek kan nie eens se “sien jou more nie” In teenstryd met die res van die Wereld, mag ek se. I hope your death will be fast, and not a torture!!!!!!

Marinda

Condolences to the family of these two boys.

May the truth be revealed as to what really happened with them.