Vermoorde jong ma het onlangs verloof geraak

Kelly Bain en Christopher Bonus. Foto: Facebook

In ʼn foto wat in November 2017 geneem is lag ʼn stralende Kelly Bain (26) uitbundig kort nadat sy en haar kêrel, Christopher Bonus, verloof geraak het.

Bain is agt maande later helder oordag in haar huis vermoor. Sy is Woensdagmiddag in haar huis in Kabegapark, Port Elizabeth, oorval en met ʼn skerp voorwerp doodgesteek. Haar een maand oue babadogtertjie was in die huis ten tyde van die voorval.

Kapt. Johan Rheeder, woordvoerder van die polisie, het aan Maroela Media bevestig Bain se verloofring is vermoedelik tydens die aanval gesteel. “Ons het ook ʼn sak met twee skootrekenaars buite die perseel gekry,” het Rheeder gesê.

Teen vroeg Donderdagmiddag is niemand nog in verband met die moord in hegtenis geneem nie.

Maroela Media het vroeër berig Bain is in haar huis in Brymore aangeval. In hierdie tyd het Bonus by die huis aangekom en die aanvaller gekonfronteer.

Die aanvaller het op die vlug geslaan en Bain is op die slaapkamervloer aangetref met steekwonde aan haar nek en arm. Sy het op die toneel gesterf.

Volgens Rheeder is die huishulp later in die badkamer aangetref waar sy glo deur die aanvaller toegesluit is. Sy en die babadogtertjie was ongedeerd.

Rheeder het bevestig daar was geen teken van gedwonge toegang tot die huis nie en die presiese gebeure vorm deel van die polisie se ondersoek.

ʼn Saak van moord en roof word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

57 Kommentare

jongste oudste gewildste
Gemaskerde Sopbeen

Jip…en dis hoekom daar NIEMAND in my huis is nie. Dis partykeer bietjie meer deurmekaar en stowwerig as jou huis…………..maar by my sal niemand die deur vir iemand oopmaak, en in die badkamer gaan wag terwyl jy jou ding doen nie…..Hierdie land het GEEN toekoms meer nie…

Theresa B

So pragtige mamma. Hierdie goed maak my rooi sien!!!
HOEKOM!!!!!

Al

Dis baie hartseer, sterkte aan haar geliefdes. Dalk moet daar dieper gekyk na die huishulp, dat sy moontlik inligting oorgedra het na die rowers/moordenaars.

Morne

Welkom in wonderlike SA, waar die krimineel al die regte het en gewone landsburgers soos skape na die slagpale gelei word. Hoekom is die huishulp ongedeerd, ons weet hoekom…

jannie

Dis skokkend hoe al hierdie moorde so alledaags raak…….