Vermoorde man se liggaam in straat gekry, naasbestaandes gesoek

Argieffoto

Die polisie het ʼn beroep op die publiek gedoen om te help om die naasbestaandes op te spoor van ʼn middeljarige man wie se liggaam vandeesweek in Empangeni, KwaZulu-Natal, gevind is.

Kol. Thembeka Mbhele, provinsiale polisiewoordvoerder, het Saterdag aan Maroela Media gesê die man, in sy vroeë 40’s, se liggaam is Maandag omstreeks 01:00 in Daviessingel in dié dorp aangetref.

“Die man is lig van gelaat. Hy is met twee steekwonde aan sy bors aangetref en het ook ʼn steekwond aan sy regterpalm gehad,” het Mbhele gesê.

Die man het swart hare en ʼn snor. Hy het ʼn grys denim, T-hemp en ʼn armband met wit krale aangehad.

Die Empangeni-polisie ondersoek ʼn saak van moord.

Enigiemand wat die polisie kan bystaan om die man se naasbestaandes op te spoor of wat meer inligting oor die saak het, word versoek om kapt. Mbongeni Mdlalose by 082 557 0834 of 035 901 5810 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Oompie

Lig van gelaat….. REGTIG?

Johan. H.

Bewys net weer my punt skaars i uur verby of die polisies soek hulp vanaf die publiek, Maar daaie lot in die vrystaar se pol. base dryg sy mensies as hulle betrokke raak met die gemeensksap polisieering,,,
Cry me a river…..

fransie

Wat my kwel is die feit dat die man Maandag al gevind is, maar niemand het hom nog as vermis aangemeld nie. Hoop hulle kan gou uitvind wie hy was. Wat ‘n nare manier om aan jou einde te kom. Innige simpatie.

Adri

Mag die woordjie “blank” nou glad nie meer gebruik word om ‘n lyk te identfiseer nie? Ons moet maar aflei dit waarskynlik ‘n blanke. Ai tog, die liewe politieke korrektheid darem.

charl

die lewe in sa is moeilik dis deesdae duur om kinders te kry en om jou kinders in I gewelddadige land groot te maak is moeilik want jy moet altyd keer dat jou kind nie met die slegte mense soos mense wat die arme man dood gemaak het demekaar te raak nie .hoop hulle vang daai ou