Vermoorde polisiekolonel se identiteit bekend

4 April 2015
Nico Strydom

Hoe wil jy die artikel deel?

Kol. David Makhubela. Foto: SAPD

Die polisiekolonel wie se liggaam Vrydagaand in ŉ straat in Turffontein in Johannesburg gevind is, laat ’n vrou en vier kinders agter.

Kol. David Makhubela (55) is met ŉ skerp voorwerp in die bors gesteek. Sy liggaam is deur verbygangers gevind waarna die polisie ontbied is. Sy motor is sowat 500 m van die toneel gevind.

Makhubela, ŉ afdelingsbevelvoerder van die polisie se openbare orde-eenheid in Gauteng, het meer as 33 jaar diens in die polisie gehad.

Die provinsiale ondersoekeenheid ondersoek die moord en niemand is nog in hegtenis geneem in verband met die voorval nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

vorige artikel