Vermoorde skoolmeisies: Tienerseuns vir dwelms getoets

Een van die skoolmeisies se liggame toe dit verlede week van die toneel verwyder is. Foto: Masego Rahlaga / EWN

Een van die skoolmeisies se liggame toe dit verlede week van die toneel verwyder is. Foto: Masego Rahlaga / EWN

Die twee sestienjarige seuns wat twee skoolmeisies van Johannesburg in Februarie in ʼn vermeende sataniese ritueel vermoor het, is getoets vir dwelmmisbruik.

Die seuns, wie se name nie genoem mag word nie omdat hulle minderjarig is, word in ʼn plek van veilige bewaring aangehou totdat die uitslae van die toetse beskikbaar is.

Die seuns het Donderdag weer in die Protea-landdroshof verskyn, waar die saak uitgestel is tot 27 Maart.

Die seuns is in hegtenis geneem in verband met die moord op Thandeka Moganetsi en Chwayita Rathazayo, onderskeidelik 15 en 16 jaar oud. Hul liggame is in ʼn veld in Dobsonville in Soweto aangetref. Moganetsi en Rathazayo, leerlinge aan die George Khosa Sekondêre Skool, het nog hul skoolklere aangehad. Hulle het snywonde aan hul hande en nekke gehad en daar was skeermeslemmetjies en drie swart, gebrande kerse langs hul liggame.

Lees ook:
Vermoorde skoolmeisies: Tienerseuns weer in hof
Vermoorde JHB-skoolmeisies vandag begrawe
Vermoorde skoolmeisies: Tienerseuns weer in hof
Vermoorde skoolmeisies: Tienerseuns se saak uitgestel
Vermoorde skoolmeisies: Tienerseuns vandag in hof
Twee seuns vas vir skoolmeisies se dood
Skoolmeisies glo tydens sataniese ritueel vermoor
Twee skoolmeisies dood gevind

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae