Vermoorde tiener se familie ontvang ʼn huis

Matlhomola Mosweu se ma, Agnes Mosweu (Foto: ANA)

Job Mokgoro, premier van Noordwes, sal Donderdag as deel van Menseregtedag ʼn nuwe huis aan die vermoorde tiener van Coligny, Matlhomola Mosweu, se familie oorhandig.

Lindiwe Sisulu, minister van menslike nedersettings het in 2017 dié huis aan die familie belowe. Motlalepula Rosho, LUR van menslike nedersettings, en die burgemeester van Ditsobotla, Daniel Buthelezi, sal by Mokgoro aansluit.

Mosweu se familie het tot dusver in ʼn plakkershuis by Scotland- informele nedersetting gewoon.

Mosweu is op 20 April 2017 dood ná hy daarvan beskuldig is dat hy sonneblomme op Rietvlei-plaas gesteel het. Pieter Doorewaard (28) en Philip Schutte (35) is skuldig bevind in verband met sy dood. Hulle het Mosweu, beter bekend as Faki, betrap met sonneblomkoppe ter waarde van R80 op hul werkgewer se eiendom. Hulle het hom agterop ʼn bakkie gelaai en daar is beweer Schutte het hom van die bewegende voertuig afgestamp. Hy het nekbeserings opgedoen en is later oorlede.

Sy afsterwe het tot gewelddadige betogings gelei in die gebied. Ses huise en drie vragmotors is aan die brand gesteek, verskeie winkels is geplunder en die dorp het vir vyf dae lank gesluit tot die twee mans hulle aan die polisie oorgegee het.

Doorewaard en Schutte het beweer Mosweu het self van die bewegende voertuig afgespring in ʼn poging om te vlug.

Schutte is tot 20 jaar tronkstraf gevonnis op aanklag van moord, drie jaar op aanklag van ontvoering, twee jaar vir intimidasie, een jaar vir diefstal en twee jaar vir die rig van ʼn vuurwapen. Die vonnisse vir ontvoering, intimidasie, diefstal en die rig van ʼn vuurwapen sal gelyklopend uitgedien word. Hy sal effektief 23 jaar tronkstraf uitdien.

Doorewaard is tot effektief 18 jaar tronkstraf gevonnis, drie jaar vir ontvoering, twee jaar vir intimidasie, ʼn jaar vir diefstal en twee jaar vir die rig van ʼn vuurwapen.

Lees alle vorige berigte oor die Coligny-moordsaak op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Ekke

Onskuldige mense sit in die tronk as gevolg van n leuenaar se getuienis. Is dit menseregte? Geniet julle huis. Dit regverdjg nou seker julle saak.

Snip

Dis te lekker…. Wat van AL die boere wat vermoor word??? Kry hulle kinders ook huise??? Of tel MENSE REGTE NET VIR SEKERE MENSE in hierdie opgevoeterde land????
Belaglik… Wanneer word daar vir hul GRATIS Elektriestyd en kos aangery?
Die huis gaan nou seker die seun terug bring…
????

Jacques

Nou verstaan ek ook waaroor dit gaan . Twee mense sit onskuldig in die tronk vir n huis .
As die ma dan so erg was oor haar seun hoekom het sy eers twee weke later agter gekom hy is weg ? Ek se weer , vir n huis en hulle se dit is menseregte ?

WIT

Kan hul dan sommer ook huise aan ons vermoorde boere se kinders ook gee asb!

Estelle

Stom geslaan!
Sprakeloos!