Vermiste Windhoek-vrou se motor gevind

Elna-Marie Abbott (Foto: Facebook via Elizma Theron)

ʼn Span speurders het Elna-Marie Abbott, niggie van die sangeres Elizma Theron, en wie se onthoofde liggaam Vrydagoggend op ʼn treinspoor in Windhoek aangetref is, se motor gevind.

Niël Terblanché van die Namibiese koerant Informanté berig die silwerkleurige Volkswagen Golf is in die gebied van Ausspannplatz in ʼn parkeerterrein van Merensky Tower in Windhoek se middestad gevind.

Abbott se onthoofde liggaam is op ʼn treinspoor, ongeveer 2 km van waar haar motor opgespoor is, gevind. ʼn Kondukteur van die TransNamib het Abbott se lyk vanoggend op die spoor naby die Game-winkelsentrum in Windhoek gesien en die polisie ontbied.

Luidens berigte is Abbott se liggaam op die treinspoor geplaas in ʼn poging om die voorval na ʼn selfmoord te laat lyk. Daar word bespiegel dat Abbott moontlik vermoor is omdat die wonde aan haar lyk glo nie ooreenstem met die wonde wat treinwiele sou veroorsaak nie.

Abbott is eergister as vermis aangemeld. Vriende en familie van die 29-jarige vrou het hulle na sosiale media gewend en daar gepleit vir hulp om Abbott op te spoor.

Theron het op haar amptelike Facebook-blad gesê die familie se harte is stukkend. Sy het ook bevestig die motor is gevind.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Kolle

Hoe afgryslik moet dit nie vir haar mense wees nie. Nie net vermoor nie maar ook onthoof. Siek duiwels.

Abe

Wat n mooi foto…aai.

Helena.

Waarom word so n jong vrou so vermoor en geskend..het jaloesie iets daarmee te doen? Ek hoop die skurk word gevang en swaar gestraf.. My innige meegevoel met familie en vriende..

Johan

Sou haar liggaam deur ‘n trein onthoof gewees het of was haar lyk reeds onthoof toe dit by die treinspoor geplaas was? Dit bly grusaam!

? leser

my innige simpatie aan elizma en familie

vraag: waarom begin die gemors wat ons hier het ook in namibie, dit was tot onlangs aangedui as een van die mees veiligste gebiede in die wereld
hoop van harte dat hulle strafstelsel baie beter daar is as hier in sa