Vermy Donderdag dié strate in Pta

Foto: Twitter.

Die Tshwane-metropolisie het inwoners van Pretoria gewaarsku oor ʼn optog wat Donderdag deur die EFF gehou word.

Supt. Isaac Mahamba, woordvoerder van die Tshwane-metropolisie, het gesê die optoggangers sal van 06:00 op Kerkplein bymekaarkom en dan na die Israeliese Ambassade beweeg by Kings Highway in Hatfield.

Die optoggangers sal van Kerkplein af in die rigting van Paul Krugerstraat beweeg en dan links in Francis Baardstraat indraai.

“Hulle sal dan reguit aan beweeg en dan regs draai in Jan Shobastraat en daarna links in Lynnwoodweg,” het Mahamba gesê.

Van Lynnwoodweg sal hulle links draai in Rosemarystraat en daarna reguit aan beweeg totdat hulle by die Israeliese Ambassade in Kings Highway uitkom.

“Hulle sal na verwagting om 17:00 van die ambassade uitmekaar gaan.”

Mahamba het die versekering gegee dat daar metropolisiebeamptes ontplooi sal word om die optog te monitor. Hy het motoriste aangeraai om dié strate te vermy en alternatiewe roetes te gebruik.

Die EFF het op hul Twitter-rekening bekend gemaak die optog is “teen die okkupasie van Palestina”. Volgens die party sal hulle om 11:00 van die Uniegebou na die Israeliese Ambassade opruk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

51 Kommentare

jongste oudste gewildste
Heleen

Rêrig?? Nou wat het dit uit te waai met die eff??

Botterblommetjie

Ons moet die strate vermy? Ons mag sleg dit en dat met ‘n vreedsame optog gedoen het ander word ons onder een of ander wet gearristeer… hoe nou? Dubbelstandaarde? Alternatiewe roetes…. hoekom wil mens weet.. jip geen antwoord nie.. mens tik seker vir statistieke hier, of wat beteken die kommentaar eintlik..

Leahim

Hoe belaglik is die klomp te veel probleme om op te noem in hierdie piesang republiek van hulle maar hulle betoog teen n land wat honderd keer beter funksioneer die eff is n rasistiese party net vir rasiste.

Fiela

Nou wat te duiwel het hulle met die Palestyne uit te waai?

Pieter

Die Tswane metro sê 06:00 vanaf Kerkplein, die party sê 11H00 vanaf die Uniegebou en die poster sê 11Hoo vanaf Kerkplein. Kan MM dalk uitvind wat die regte feite is, aangesien ons wat reg op die roete werk daarvolgens moet beplan?