Verslag oor grondhervorming nou by Ramaphosa

Pres. Cyril Ramaphosa, dr. Vuyo Mahlati, voorsitter van die paneel en adjunkpres. David Mabuza tydens die oorhandiging van die verslag. (Foto: Elmond Jiyane, GCIS)

Pres. Cyril Ramaphosa en sy adjunk, David Mabuza, het Dinsdag die verslag van die presidensiële adviespaneel oor grondhervorming en landbou ontvang.

Die paneel is in September verlede jaar aangestel om die inter-ministeriële komitee oor grondhervorming, waarvan Mabuza die voorsitter is, te adviseer oor ʼn wye verskeidenheid beleidsake soos restitusie, herverdeling, verblyfreg en landbousteun.

Dit moes maniere hersien, navors en steun sodat die regering ʼn regverdige en gelyke grondhervormingsproses kan implementeer om historiese ongeregtighede reg te stel, landbouproduksie te verbeter, ekonomiese groei te versnel en voedselsekerheid te beskerm.

Die paneel moes ook ʼn uiteensetting gee oor grondbeleid gesien in die lig van voortslepende ongelykheid, onbevredigende grond- en landbouhervorming, asook ongelyke stedelike grondontwikkeling.

Dr. Vuyo Mahlati, president van die African Farmers’ Association of South Africa (Afasa), was die voorsitter van die paneel, wat uit verskeie kenners bestaan het.

Paneellede het ingesluit die leierboer Nick Serfontein, Dan Kriek, president van AgriSA, adv. Tembeka Ngcukaitobi van die Johannesburgse balieraad, en prof. Mohammed Karaan, verbonde aan die Universiteit Stellenbosch.

Die inter-ministeriële komitee en die adviesraad het oor ʼn tydperk van agt maande met rolspelers in verskeie sektore vergader.

Ramaphosa het die span vir hulle werk bedank.

Die presidensie het gesê die verslag is ʼn belangrike stap om ʼn unieke Suid-Afrikaanse oplossing vir probleme te vind en ʼn samelewing te bou waar almal in die land se skatte deel.

Die verslag word nou eers aan die kabinet voorgelê, waarna dit bekend gemaak sal word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
James

Vat nou maar al die grond. Weet julle wil en net die as n formaliteit beskou.

esaias

stem!!

Regs!

Nog ‘n stappie nader aan totale ekonomiese ineenstorting en burger oorlog!

Lana

Hoop daar is genoeg mense met reguit hare op dié paneel.

Lana

Ek hoop daar is genoeg mense met reguit hare op dié panel.