ʼn 33-jarige verstandelik gestremde man is in Noordwes in hegtenis geneem nadat hy glo Vrydag ʼn 42-jarige man, wat ook verstandelik gestremd is, vermoor het.
“Die polisie ondersoek ʼn saak van moord nadat die 33-jarige man glo die 42-jarige man met ʼn mes doodgesteek het,” het sers. Kelebogile Moleko, woordvoerder van die polisie in Noordwes, in ʼn verklaring gesê. Die voorval het in Cokonyane in Taung plaasgevind.
“Die twee mans het glo gestry waartydens die jonger man ʼn mes te voorskyn gebring en die ander een in sy ribbekas gesteek het,” het Moleko bygevoeg. “Die polisie en nooddienste is ontbied en die slagoffer is op die toneel dood verklaar.”
Die man is in hegtenis geneem en sal Maandag in die Taung-landdroshof verskyn op aanklag van moord. Die rede vir die stryery is nog nie bekend nie. Die ondersoek duur voort.
Die rede? Waarskynlik Vrydagmoles. Oor drank, ‘n sigaret of ‘n vrou.