Verstandelik gestremde vrou verdedig haar teen verkragter

Argieffoto

Argieffoto

ʼn Man is in hegtenis geneem nadat hy glo ʼn verstandelik gestremde vrou in Ficksburg in die Vrystaat seksueel wou aanrand.

“Die 28-jarige vrou se ma het haar Saterdag omstreeks 07:30 winkel toe gestuur om te gaan suiker koop,” het kapt. Phumelelo Dhlamini, ʼn polisiewoordvoerder, gesê. “Op pad het ʼn 20-jarige man haar genader en haar in ʼn veld in gedwing en haar klere uitgetrek.”

Sy kon haarself suksesvol teen haar aanvaller verdedig en het met haar naels oor sy gesig gekrap. Sy het ook om hulp geroep.

Haar ma het intussen begin ondersoek instel waarom haar dogter so lank wegbly en het op haar afgekom. Die man het van die toneel gevlug, maar die polisie het hom dieselfde dag nog in hegtenis geneem.

Hy het reeds in die Ficksburg-landdroshof verskyn en is borgtog geweier. Hy moet weer op 29 September in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Elfie ·

Laat die monster SIT! Vir baie lank. Hierdie val in dieselfde kategorie as kindermolestering. Die arme vrou is maar eintlik soos ‘n kind (verstandelik gesproke) en ek hoop nie die die “system fails her” soos so baie gebeur nie!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.