Verstekelinge spoel naby Zinkwazi uit

Die mans is glo ontdek en het reddingsbaadjies en ‘n tuisgemaakte vlot gekry voor hulle beveel is om die skip te verlaat. (Foto: IPSS Medical Rescue)

Twee Tanzaniërs wat glo op ʼn boot geskuil het wat uit die Durbanse hawe vertrek het, het naby Zinkwazi op die strand uitgespoel.

Paul Herbst, woordvoerder van IPSS Medical Rescue, sê hulle is na die strand ontbied ná berigte dat die twee verstekelinge daar uitgespoel het.

Hulle is op die strand behandel.

“Die mans het beweer die bemanning van die boot [waarop hulle weggekruip het] het hulle ontdek en gedwing om die skip te verlaat nadat hulle vir die verstekelinge lewensreddingsbaadjies en ʼn geprakseerde vlot gegee het,” het Herbst gesê.

Die mans het drie dae lank op die see rondgedobber voordat hul bootjie naby Zinkwazi uitgespoel het.

Hulle is na ʼn nabygeleë hospitaal vir verdere behandeling geneem.

Herbst het gesê die polisie was ook op die toneel en sal die kwessie verder hanteer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
Jaco

So dis hoe mens jou land verlaat: jy versteek jou op ‘n boot. Wat dan nou van ‘n paspoort kry, vir ‘n visum aansoek doen en by ‘n ander land se grenspos ingaan?

Bramaputa

“No ticket to ride” – (Geleen by BeeGees)

Michael 1

Wat maak 2 Tanzaniese burgers in die Durban hawe ,en ek wed hulle was nog onwettig daar.Die land word nou n lê plek vir al wat n verlore afrika siel is….scary

minnie

ek weet , waar ek werk in bank, ons kry baie onwetige mense in sa, het so twee weke terug iemand gehad wat laas wetting in sa was 2007, en toe vertel hy ons hy gaan gereeld huistoe zim toe…..en dis maar net een …. daatr is miljoene ander

marius

Die mrk moet dadelik na die boot toe roei wat so onmenslik optree en hulle beboet ….