Verwoesting by hospitaal veroordeel

Die toneel by die Charlotte Maxeke- akademiese hospitaal in Johannesburg ná stakers op ʼn verwoestingstog gegaan het. Foto: ANA

Die ANC in Gauteng het gewelddadige betogings by die Charlotte Maxeke- akademiese hospitaal in Johannesburg veroordeel en ʼn beroep op die owerhede gedoen om misdadige optrede te bekamp.

Hope Papo, provinsiale sekretaris van die ANC in Gauteng, het gesê die provinsiale uitvoerende komitee het met skok kennis geneem van die “ongekende toename in verwoestende en lewensbedreigende betogings” deur gesondheidsektorwerkers by die hospitaal. Volgens Papo is dit duidelik dat selfs pasiënte nou ʼn teiken geword het.

Dit volg nadat werkers by die hospitaal vandeesweek oor lone en bonusse begin staak het. Volgens mediaberigte het werkers Donderdag op ʼn verwoestingstog gegaan, vullisblikke en mediese voorraad in die gange uitgegooi en selfs pasiënte gedreig.

“Ons doen ʼn beroep op die owerhede om streng teen betogers en dié misdadige aksies op te tree wat die lewe van pasiënte in gevaar stel,” het Papo gesê. “Terselfdertyd doen ons ʼn beroep op die Gautengse departement van gesondheid en die vakbonde om dringend ʼn bevredigende oplossing te vind vir die huidige geskil oor bonusse in die beste belang van die pasiënte.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Michael

Genade dit is BARBAARS!!!!!!!!

Koos de Meyer.

Die ANC moenie nou huil nie. Dis mos die produk van Unies. Brand af ver woes as ek nie my kry nie. Niemand gaan in ‘n land van anargie kom belê nie. Hulle ontsien nie eers die sieklikes in die hospitaal nie, en boonop word die dade van die mense die wêreld in gestuur. Vandag brand ons die bus en more wag ons vir hom om ons werk toe te vat. Maar dit is die toedrag van sake.

John

Nee, gee groooot verhogings terugwerkend tot 1994 en geskenke ook en jumbo-bonusse en nog vuurhoutjies en en. Watter skande en wie gaan afgedank of gestraf word? Niemand.

Wurmpie

Bonus kry jy as jy werk nie as jy betoog nie. En wie by enige instansie wat deur die ANC beheer word werk?

HPV

Grap van die jaar, die anc veroordeel die anargie wat deur hulle geskep is! Lagwekkend om die minste te sê.