VF Plus kap landbouminister oor sy werker se loon

Minister Zokwana

Minister Zokwana

Die Vryheidsfront Plus sê Senzeni Zokwana, minister van landbou, stel ‘n swak voorbeeld deur sy werker slegs sowat R26 per dag te betaal.

Die VF Plus se reaksie kom na berigte die naweek dat minister Zokwana se beeswagter R800 per maand of sowat R26 per dag verdien. Hy werk glo van Maandae tot Sondae. Sy loon gaan glo aangepas word tot R1 400 per maand.

Dr. Pieter Groenewald, die VF Plus se woordvoerder oor landbou, sê toe boere in die Wes-Kaap seisoenwerkers R69 per dag betaal het, het Tony Ehrenreich van Cosatu, na hulle as ‘slegte, rassistiese boere’ verwys. “Hoekom is Cosatu en Ehrenreich nou stil? Die feit dat hulle niks sê nie, is bewys van dubbele standaarde omdat hulle net wit boere teiken en altyd uitkryt as sleg.”

“Dit is boere soos Zokwana wat veroorsaak dat mense die indruk kry dat boere hulle plaaswerkers swak betaal en dan veralgemeen wat vêr van die werklikheid is. As minister van landbou stel Zokwana ‘n swak voorbeeld en is hy die boere van Suid-Afrika ‘n verskoning verskuldig,” het Groenewald gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

mo ·

dit is goed gese, bly dat sulke mense soos die VF Plus teen woordig is. Wonder wat is die kometaar nou?

Kosie ·

Dr.Groenewald, sou u dit nog gesê het as dr Mulder steeds die adjunk van landbou was? Ek vra maar net want dit was baie stil van VF+ se kant, toe Tina Joemat Petersen se gifpyle die Wes Kaapse boere meedoënloos getref het.

HP ·

Ja, Dr. Groenewald sou….duidelik weet jy niks van minimum loon af nie. Dit is wat hulle betaal was daai tyd. Word wakker!!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.