VF Plus kies nuwe Wes-Kaapse mede-onderleier

Johannes Hartnick

Die VF Plus in die Wes-Kaap het ʼn nuwe mede-onderleier vir dié provinsie aangewys.

Die nuwe onderleier is die 61-jarige Johannes Hartnick van Riversdal.

Harttnick is ʼn afgetrede vlootoffisier wat in verskeie skoolrade en kerkrade gedien het en ook as sportafrigter bekend is.

Hy is tans die onderburgemeester van die Hessequa-munisipaliteit, wat setel in Riversdal en ook gebiede soos Heidelberg en Stilbaai bedien. Die VF Plus en die DA regeer die munisipaliteit sedert 2016 in ʼn koalisie.

Hartnick sal nou mede-onderleier van die Wes-Kaapse VF Plus wees saam met Erika Botha-Rossouw, wat as raadslid in die metroraad van Kaapstad dien.

Dr. Corné Mulder bly die provinsiale leier van die Wes-Kaapse Vryheidsfront Plus. Mulder het gesê Hartnick was ʼn gewilde keuse as onderleier en hy sien uit daarna om met hom saam te werk om die VF Plus in die Suid-Kaap uit te bou met die aanloop tot aanstaande jaar se algemene verkiesing.

“Hartnick dien die gemeenskap van Hessequa tans met onderskeiding as onderburgemeester, en hy is ʼn uitstaande bewys van hoe ʼn politieke party sy kiesers se belange maksimaal in ʼn koalisie kan indra en hulle dien.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Adriaan

Baie geluk aan Johannes. Ook aan die VF+, wat dit regkry om hulle sake te bestuur sonder die gevegte en skandale wat die DA kenmerk.

Al

Baie geluk!
Sterkte met die taak vorentoe.

Nou ja Toe.

Nou ja.
Dan’s ek maar die oom in die familie van wie niemand hou nie.
WAT N BLÊRRIE KLUG.

Julia Hattingh

Ag dis wonderlik!!! Bly saam met julle dat die stigma gebreek word. Julle gaan verseker nog meer groei. Julle het my stem!!

Deliladelange

Die VF+ groei ten spyte van die feit dat hul nie hul beleid verander nie. Ander partye verander hul beleide om meer stemme en lede te kry. Dit is prysenswaardig. Die VF+ het hierdie keer my stem!