VF Plus neem DA-wyk af in Stilfontein

Die VF Plus het vir die eerste keer in agt jaar ’n wyksraadslid tot ’n stadsraad verkies gekry toe die party wyk 30 in die Matlosana-munisipaliteit in Noordwes by die DA afgeneem het.

Wyk 30 omvat die dorp Stilfontein en is Woensdag in ’n tussenverkiesing gewen deur Fanie Kloppers (VF Plus) wat 946 stemme gekry het teenoor 487 vir die DA, 135 vir die ANC en 93 vir die Onafhanklike Belastingbetalersvereniging van Suid-Afrika.

Die uitslag verteenwoordig ’n swaai van 35 persentasiepunte teen die DA sedert die munisipale verkiesing van 2016.

In twee tussenverkiesings in Mpumalanga het die ANC een naelskraapse en een gemaklike oorwinning behaal.

Die naelskraapse oorwinning was in wyk 31 van die Govan Mbeki-munisipaliteit, wat ’n deel van die township Embalenhle buite Secunda insluit.

Mahlaswani Masinga (ANC) het 611 stemme gekry, met 529 stemme vir die EFF en 12 stemme vir ’n plaaslike party genaamd die SKCP. Dit verteenwoordig ’n swaai van 14 persentasiepunte teen die ANC sedert 2016.

Die groot ANC-oorwinning was in wyk 32 van die Nkomazi-munisipaliteit. Dit is ’n landelike gebied aangrensend aan Schoemansdal.

Sifiso Ngomane (ANC) het die EFF se kandidaat met 1 442 stemme teen 159 verslaan. Dit verteenwoordig ’n swaai van 4 persentasiepunte na die ANC vergeleke met 2016.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Martie Visagie

Baie geluk aan Vryheidsfront ???? in Stilfontein

Sarel

DA sal moet wakker skrik
Hulle gaan bloedneus kry met volgende verkiesing

Magda

Mooi man – VF dit is nou julle kans om GOED te doen – Wys die ander Partye hoe gemeenskapdiens gedoen KAN en met wilskrag gedoen word, met mense wat die werk kan doen Sterkte

Elsabie

YES!!!! Die begin van verandering.

Klipindiebos

“The sky is the limit” Tree as ‘n rolmodel op. Ons Provinsie het dit nodig.