VF Plus verwelkom Ramaphosa se veroordeling van plaasmoorde

Pres. Cyril Ramaphosa tydens die debat oor die presidensie se begrotingsrede. (Foto: Jairus Mmutle/GCIS)

Die VF Plus sê hy verwelkom pres. Cyril Ramaphosa se veroordeling van plaasmoorde omdat dit vir die landbougemeenskap belangrik is om dit uit die president se mond te hoor.

Die party het in ʼn verklaring gesê die president het in sy repliek op die presidensie se begrotingsrede gesê hy veroordeel dié misdaad. Die VF Plus het hom al verskeie kere tevore gevra om dit te doen.

Dr. Pieter Groenewald, VF Plus-leier, het gesê die party stem saam met Ramaphosa dat élke moord in Suid-Afrika veroordeel moet word.

“Die rede waarom die VF Plus vroeër by die staatsrede, asook by die president se begrotingsrede vandeesweek, gevra het dat hy plaasmoorde in die openbaar veroordeel, is omdat die land se boere gebuk gaan onder ʼn uitermate hoë moordsyfer.

Dr. Pieter Groenewald. (Foto: Reint Dykema)

“Die aanvalle en moorde op boere gaan boonop gepaard met groot wreedheid en marteling. Dit moet daarom onderskei word van gewone moord en misdaad,” het Groenewald gesê.

“Die feit dat die president plaasmoorde nou in die openbaar veroordeel, toon ook aan dat hy volwasse genoeg is om homself te repudieer nadat hy in New York gesê het wit plaasboere word nie vermoor nie.”

Groenewald het gesê die party sal steeds verdere gesprekke voer om die landelike beveiliging te verskerp, asook om plaasmoorde tot prioriteitsmisdaad te laat verklaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
GP

Dankie VF+. Bly ek het vir julle gestem. Waardeer julle insette.

Andreas

Maroela, kan julle ons aub ‘n skakel na die erkenning van CR gee dat mens kan hoor wat hy presies gesê het. Hierdie is die eerste berig wat daaroor in die media verskyn, ook nou nog nerens anders nie. Dalk het ek dit op vanaand se nuus gemis.

Manie van Worcester

Wonder hoeveel mense verstik nou in hulle spoeg oor wat die klein partytjie al sedert die vekiesing vermag het. Dis toekoms vir minderhede in die land, nie blou anc nie

Andreas

Hallo Maroela, ek sal dit tog waardeer as julle nie te lank met my kommentaar soos paar minute gelede gestuur kan wag nie. Sal voor moreoggend reg wees?

Mieliestronk

Die FVkan nie nou dink hulle het die geveg gewen omdat CR oor plaasmoorde gepraat het nie Daar het niks veander nie F V moet oor see gaan hulp soek Hier is nie hulp nie FV sit nou en lippe af lek oor CR daaroor gepraat het Dit gaan niks help nie plaadmoorde gaan net meer word