Video: Alberton-ongeluk: Twee dood, 50 beseer; trokbestuurder blameer remme

alberton-ongeluk-n12

‘n Foto van die toneel. Die video volg onderaan die berig. Foto: Ridz @ridz801/Twitter

Twee mense is dood en minstens 54 beseer nadat ʼn vragmotor Dinsdagoggend tydens spitsverkeer in verskeie voertuie op die N12-snelweg in Alberton, Johannesburg, ingeploeg het. Van die 54 beseerdes is sewe mense kritiek beseer en verskeie is met helikopters na nabygeleë hospitale geneem.

Santi Steinmann, ʼn woordvoerder van Netcare 911, het aan Maroela Media gesê 45 motors en twee vragmotors was in die botsing betrokke.

Russel Meiring, ʼn woordvoerder van ER24, het gesê die bestuurder van ʼn vragmotor het glo beheer oor die swaarvoertuig verloor, waarna dit in die voertuie ingeploeg het. “Die bestuurder van die petroltenker het aan paramedici gesê die vragmotor se remme het onklaar geraak,” het Meiring gesê.

Die polisie ondersoek die ongeluk.

Klik hier om foto’s van die Alberton-ongeluk te sien.

Die video is deur Jarrod Denwood Bezuidenhout op Facebook gelaai.

[wpvideo GU9tshoG]

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
Hendrik Oosthuyzen

Sjoe! Om in spitsverkeer volgens die video ongeveer 500m deur verkeer te ploeg is maar net weer toe te skryf aan SPOED. Wanneer gaan die bestuurders van sulke groot voertuie ooit besef wat spoed is? E die remme? Ek is jammer, as die vragmotor gereeld versien word sal die remme op so n plat oppervlakte nie n faktor wees nie! Terloops, die video toon aan dat dit nie die petroltenkwa (soos berig) was wat die ongeluk veroorsaak het nie, maar n ander vragmotor.

Andries

En so gaan dit maar aan en aan, wag maar die volgende ongelik. Glad nie meer snaaks in die land.

Belinda

Ek stem saam met jou Hendrik…………….ek ry die N12 in die middae en my senuwees gedaan soos almal altyd jaag…………………..almal sal tot hulle bestemming kom maar is soos varke en druk oral in!

Marelize

Eerstens. My hart gaan uit aan al die familie en vriende van die betrokkende motoriste wat beseer is, kritiek beseer is, nie beseer is nie en ook die wat oorlede is. Gebed van vertroosting is groot. Alle sterkte. Dis baie tragies dat so iets gebeur het. Dalk n goeie “wake-up Call” vir motoriste wat net jaag en nie aan ander mense se lewens dink nie. Moedswillig of nie, spoed bly n krisis. Volgens die Video is dit n ander vragmotor wat die ongeluk veroorsaak het… Korrek berig??….. Ek stem saam oor die remme, indien dit gereeld nagesien word sal so… Lees meer »

Annaliza

My hart gaan uit aan al die geliefdes wat direk benadeel is deur hierdie trauma. Mag julle vertroosting vind. Dit is altyd so hartseer dat ons mensdom se oë eers oopgaan en die les geleer word na so ‘n treurspel.