Video: Alte jollie-pa(trollie) agter trok op hoofweg

‘n Skermgreep uit die video.

Video’s van ʼn laggende man wat dit gate uit geniet terwyl hy in die reën agter ʼn brandstofvragmotor in ʼn winkeltrollie aangesleep word, het internetgebruikers aan die gons.

Luidens talle inskrywings op sosiale media is die video’s in Pretoria, Gauteng, op ʼn hoofweg geneem.

Die video’s, wat vanuit ʼn paar verskillende hoeke afgeneem en gedeel word, wys hoe die man skaterlag en opgewonde wuif vir die onbekende mense wat dié jolige – en gevaarlike – affêre verfilm.

Hoewel die glimlag op sy gesig talle mense laat saamglimlag, vra die persoon in die agtergrond op een van die video’s tereg: “Het hy ʼn doodswens?”

Talle ander sosialemediagebruikers is ook bekommerd oor die veiligheid van die man in die trollie – terwyl dit blyk dat hy nie ʼn bang haar op sy lyf het om só in die trollie op die hoofweg gesleep te word nie.

“Ek dink net aan die slaggate in die paaie van ons land. Dít gaan in trane eindig,” het ene Sandile op Twitter geskryf.

“Soveel dinge kan hier skeefloop, soos die trollie se wiele – ons almal weet hoe swak dit is. Miskien is hy gelukkig dat dit reën, so die wiele kan nie smelt of breek weens die spoed van die vragmotor nie,” bespiegel ene Edwin Dooms.

“Mense is moeg vir die pryse van brandstof,” het ene Malume geskerts.

The Fast and the Furious 2022, wêreldrekord in Suid-Afrika,” het ene Masala, met verwysing na die rolprentfranchise The Fast and the Furious met die akteur Vin Diesel, geskerts.

Kyk hier na die video’s:

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

33 Kommentare

Chantel ·

Dis wonderbaarlik dat daai trolllie se wiele nie mee gegee het nie. Genade!!

André ·

Ek wil net weet; waar kry hy ‘n trollie sonder daai wiel wat die heletyd oos wil draai?

Misky ·

Almal lag en spot saam, maar ek stem saam en dink aan die gevolge en wat kan gebeur. As daai trok skielik briek of slaggat tref en hy is dood, word bestuurder moontlik aangekla. Nie net dit nie, mense wat dit moet aanskou en moontlike trauma kan deurgaan.

May10 ·

As ek die petrol prys so bekyk,dink ek ons almal moet n trolley aanskaf.

Swerwer ·

O Genade! Dan loop ek maar liewer. Dink net aan al die pyn en lyding as daar ‘n oeps gebeur!

Toy ·

O hete ek wil nie eers dink aan alles wat verkeerd kan loop nie. Hy het nou op eie risiko in die trollie geklim die drywer van die trok kan hom nie eers sien nie.

Patch ·

Wie is verantwoordelik as daar iets agter daardie trok met hom moet gebeur? Dan kry die trok drywer weer die skuld en hy is moontlik heel onbewus van die maljan agter sy trok. Miskien snaaks maar baie, baie gevaarlik.

Elize ·

Dis van al sulke waterkaskenades dat ons trollies se wheel alignment uit is as ons moet gaan brood koop.

Wielspore ·

Dit gee ‘n nuwe betekenis aan die woord Trolley dash.

Moedeloos ·

N vlambare petroltenk. Dis selfmoord hierdie. Hoop die agterryer word kort gevat dat hy weet hoe gevaarlik sy speletjie is. Nie net vir hom nie maar vir alle padverbruikers rondom hom.

Aai ·

Dit is nou ‘n goeie advertensie vir daai maak trollie asb Pick & pay,Checkers en al die res koop daai trollies want helfte van julle trollies kan nie eers 2km/h se spoed hanteer.

Pieter9 ·

Daardie nommerplaat gaan verwarrend wees met twee ekstra nulle van twee neusgate daarop!

Martin ·

Wat vra ENGEN deesdae vir die trollie ritte, ons het ‘n Pick & Pay om die draai ek sal uitkyk vir ‘n trollie wat mooi reguit hardloop sonder ‘n “speed wobble” …

Drienie ·

Nou wonder ek hoe hy weer by die huis gekom het of het hy juis verhuis. Lol

Papsak ·

Vrot brein hy sal niks gedoen word oor waar hy trollie gekry het nie pateet ek dink glad nie hy is oulik nie sorrie

Dolf ·

Die berig meld dit nie, maar ek hoop en vertrou dat die motoriste wat die voorval verfilm het, die moeite gedoen het om die vragmotorbestuurder van die aangehaakte passasier te probeer inlig sodat hy kon stop. So baie mense het heel waarskynlik dit gesien, gelag daaroor en verder gery sonder om enigiets te doen. Dit sou ook die regte ding gewees het om die Tswane Metro Polisie of die SAPD te bel en van die voorval in te lig. Ek is ongelukkig nie 100% optimisties dat daar ‘n gewenste reaksie van wetstoepassers sou wees nie.

Delia ·

Dis geensins snaaks nie. As daai trollie breek en voor jou motor te lande kom en jy word gedood in die proses

Frank ·

Nie `n bang haar op sy kop nie ? nee dit is dom onnoselheid.

Yvonne ·

Gebeur daar iets gaan die winkel eienaar seker moeilikheid kry….eish

Louise ·

Ek dink dis heeltemal onverantwoordelik, as hy beheer verloor oor sy trollie en voor my motor beland, Dan word EK aangekla. Op daai spoed kan mens nie uitswaai nie.

madels ·

Ek dink nie net aan die man se lewe nie maar as daar iets skeef loop kan n hele paar mense dood wees want as daai trollie skielik in die verkeer in boender kan n baie ernstige ongeluk gebeur en baie voertuie sal in die slag bly. Alhoewel dit snaaks is om die man so te sien is dit uiters onverantwoordelik van hom en baie mense se lewens nie net syne nie word hier in gevaar gestel

Hayntjie ·

Weet iemand wat die nadraai van hierdie man se doodsveragtende joligheid was?

Eend Bessinger ·

Hy spaar petrol, maar hy soek ook moeilikheid met daai trollie. Hy moet gearresteer word vir gevaarlike gebruik van ‘n trollie.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.