Video: Ambulanse met petrolbom bestook

Die owerhede ná die voorval in Mountain View. (Foto: Verskaf)

Twee ambulanse van die Best Care- en Ambu-Link-nooddienste is Vrydagaand in die noorde van Pretoria met ’n petrolbom bestook.

Xander Loubser, woordvoerder en paramedikus van die Best Care-nooddiens, sê twee verdagtes het die ambulanse omstreeks 20:36 buite die nooddienste se kantoor in Bergsig met ’n petrolbom bestook.

Beeldmateriaal van die voorval toon hoe ’n petrolbom oor die heining na die ambulanse geslinger word voordat die verdagtes weghardloop.

Niemand is in die voorval beseer nie hoewel albei ambulanse beskadig is.

Volgens Loubser bestaan die moontlikheid dat die nooddienste deur ’n ander nooddiens geteiken word.

Die nooddienste gaan ’n beloning uittreik vir enigeen met inligting wat tot die verdagtes se inhegtenisneming lei. Inligting kan by Xander Loubser by 082 308 8259 aangemeld word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
JohanR

Wat ‘n land! En is nie Boland Bank wat ons moet bedank nie!

Sandra

Dit is betreurenswaardig. Daar is geen respek vir enige iets meer in ons lieflike land nie. Kan nie wonder waar dit alles gaan eindig nie. Wanneer alles afgebrand is?

Peetjie

Kan mense so onverskillig wees …more het húlle n ambulans nodig… Kan ook weer nie die son sien skyn oor ander nie

Roedolf Johannes

Dieselfde as Taxi bestuurder geen respek vir hulle self en ander mense se lewens nie

Zacahara

Sinneloos!!!