[Video] Angus Buchan: ‘Ons vra God vir herstel’

Lugfoto van die nasionale biddag in Bloemfontein (22 April 2017) Foto: OFM9497, Twitter

Die evangelis Angus Buchan het Saterdag die reuseskare op die plaas Wilde Als buite Bloemfontein toegespreek.

Die geleentheid het meer as twee uur later as wat aanvanklik beplan is begin, aangesien duisende mense nog besig was om die terrein te probeer bereik. Groot verkeersopeenhopings het die oggend voorgekom met mense wat van reg oor die land opgedaag het.

Volgens berigte het mense ook te voet en met fietse en motorfietse van Bloemfontein af na die terrein beweeg.

Mmusi Maimane, leier van die DA, en sy vrou is ook by die byeenkoms opgemerk.

Buchan het gesê Suid-Afrika sal die land word wat die woord van God letterlik opneem soos dit geskryf staan. “Ons sê vanmiddag nee vir onsedelikheid. Ons sê nee vir seks voor die huwelik. Ons sê nee vir pornografie en dwelmverslawing en alkoholisme in Jesus se naam.

“Ons sê nee vir rassisme in die land. Ons sê nee vir sinnelose moorde en verkragting in die land. Ons vra U Here om ons gewapende magte die krag te gee om stabiliteit te bring in die land. Ons vra God vir herstel. Herstel in die familie tussen ma en pa, tussen kinders en hul ouers in Jesus se naam.”

Buchan het gebid vir respek vir bejaardes, minderbevoorregtes, arm mense, ryk mense en vir almal in die land. “Ons sê daar is geen ander God nie. Ons sal geen ander god dien nie, net die Here Jesus Christus. Vergewe ons asseblief omdat ons ons land, ons families en ons toekoms in gedrang gebring het en van vandag af belowe ons om ten alle koste op te staan vir die waarheid en geregtigheid.”

Maroela Media het met talle mense gesels om te hoor waarom hulle die byeenkoms bywoon. Só sê hulle:

“Ons is vandag hier om te bid vir vrede en hernuwing in ons land en net almal saam te bid saam met oom Angus.”

“Ek het vandag gekom om te sien hoe almal die Here saam met my ontmoet. Ek kan nie glo dat hier so baie mense is nie… dit is ongelooflik.”

“Ons kom met ʼn groot verwagting, ons glo die Here gaan ons seën.”

“Ons dink dis ʼn wonderlike dag en die begin van nuwe dinge in Suid-Afrika.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

79 Kommentare

jongste oudste gewildste
Ma

AMEN Die Here het ‘n weermag. En ‘n groter een by die wat nie kon gaan maar van elders in die Gees gebid het.Elke knie sal buig en erken dat Jesus Christus die Seun van God is .Die ENIGSTE LEWENDE GOD na wie ons kan bid. Dankie Angus vir jou gehoorsaamheid.

Hendrik

al was ons nie daar nie het ons die Here se teenwoordigheid aangevoel

Magda wallis

Abu Dhabi bid jou saam vir SA

PJS

Verstaan my nie verkeerd ek ondersteun dag en kon ongelukkig nie maak.
Maar hoe bid jy vir verandering en begin dan laat.
So jy bid vir respek, maar selfde tyd betoon geen respek vir mense wat betyds was.

Henk van Wyk

Ek voel skoon nederig en so klein voor die Here.Hy is magtig en het die geleentheid daar gestel om vir elkeen-ook vir Satan te wys hoe magtig Hy is.Ons moet net ons aan Sy voete sit en Hy sal van krag tot kraf gaan.Dankie Heer vir U genade en liefde.AMEN