Video: Beeldmateriaal wys omvang van skade aan parlement

(Foto: Kaapstad-metro se brand- en nooddienste)

Beeldmateriaal wat met hommeltuie geneem is, wys die omvang van die skade wat aan geboue in die parlementêre kompleks aangerig is nadat ʼn brand Sondag daar uitgebreek het.

Die dak van die parlementsgebou het Maandag laatmiddag weer vlamgevat nadat brandbestryders skynbaar vroeër die dag die brand in bedwang gebring het.

Kaapstad se brand-en-reddingsdienste het teen 17:15 bevestig dat die brand in die parlementêre gebou weer opgevlam het.

Die voorsittende beamptes van die parlement het intussen bevestig dat die deel wat die Nasionale Vergadering huisves heeltemal in die brand verwoes is. Die Nasionale Raad van Provinsies se gebou, die biblioteek en die museum is nie beskadig nie.

Verskeie ondersoeke is reeds begin en sal in volle swang wees sodra die hele gebou veilig verklaar is en aan die ondersoekspan oorhandig word.

’n Multidissiplinêre span professionele ingenieurs is ook aangestel om die oorsaak van brand, die omvang van die skade, die veiligheid van die gebou en die koste, sowel as tydlyne vir herstelwerk te bepaal.

Die 49-jarige verdagte wat in hegtenis geneem is in verband met die brand sal intussen vandag in die Kaapstadse landdroshof verskyn op aanklagte van huisbraak en diefstal, brandstigting, asook oortredings wat verband hou met die Wet op Nasionale Sleutelpunte. Die verdagte is glo met vermoedelik gesteelde eiendom betrap.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

27 Kommentare

jongste oudste gewildste
AW

Kan maar net my kop skud in Ongeloof ….

Samuel

Dit maak my uiters hartseer om te dink dat so ‘n belangrike nasionale sleutelpunt vernietig is. Weereens bewys van die traak-my-nie-agtige houding van die regering se kant. Hoe kon iemand deur die sekuriteitsstelsel kom as dit behoorlik gemonitor is? Wie het die verdagte by die hek laat inkom? Pla dit die Speaker van die parlement enigsins dat sy die bal laat val het?

annie

Is die pateet geplant om die ware skobbejakke se identiteit te beskerm? Vrae word reeds gevra oor die gelyktydige ontstaan van verskeie vure. Die groot vraag is: Wil die huidige regering die waarheid weet? En dít terwyl die Zondo-verslag ook op vlambare papier gedruk staan… swart op wit? En neffens die murasie is ‘n groot opstoker neef Tutu net ‘n paar dae gelede onder nederige fanfare, toegemessel.

Kokerboom

Dis erg traumaties dat ons geskiedenis so min geag en verwoes word. Stel voor ALLE waardevolle items van geskiedkundige waarde word verwyder en in museum veilig gestoor. Versier mure dan met Afrika artifakte soos houtbeelde en beesvelle

Misky

Nou kan julle onder ‘n boom gaan sit of lê, dis mos wat julle wil hê. En sê dankie vir die aanhitsers en Zuma se dogter