[Video] Bejaarde helder oordag in oprit beroof

Die slagoffer tydens haar besoek in die hospitaal. Foto: Verskaf

WAARSKUWING: Die video is gewelddadig van aard en nie geskik vir sensitiewe kykers of kinders nie.

Die polisie het ʼn ondersoek van stapel gestuur nadat ʼn bejaarde vrou verlede week helder oordag in die oprit na haar huis in Johannesburg beroof is.

Kringtelevisiebeeldmateriaal van die rooftog is intussen wyd op sosiale media versprei.

Kapt. Jean Olckers, woordvoerder van die Edenvale-polisie, het Dinsdag aan Maroela Media gesê die voorval het Woensdag in Eastleigh plaasgevind.

In die video kan gesien word hoe die 86-jarige slagoffer langs die pad staan en wag. ʼn Motor hou langs haar stil waarna dit lyk of die vrou aanwysings gee. Drie mans spring dan uit die motor, ruk haar handsak van haar arm af, gooi haar op die grond en ruk dan ook haar juweliersware van haar vingers en arm af. Hulle klim dan in die motor en ry weg.

“Ek was gister [Maandag] by die slagoffer gewees. Sy is nog geskok, maar verder sterk sy goed aan,” het Olckers gesê.

Die Edenvale-polisie ondersoek ʼn saak van roof. Niemand is nog in verband met die voorval in hegtenis geneem nie.

Olckers het ʼn beroep op die publiek gedoen om met enige inligting na vore te kom wat die polisie in hul ondersoek kan bystaan. Skakel die polisiestasie by 011 553 8600 of Crime Stop by 08600 10111.

Die slagoffer se seun het aan die Bedfordview and Edenvale News gesê sy ma is ná die aanval na ʼn hospitaal geneem en is intussen ontslaan. Die vrou het vir hom gewag sodat hy haar na haar dokter kon neem toe die verdagtes toegeslaan het. Sy het aanvanklik by haar bure gewag en na buite gegaan toe sy ʼn voertuig gehoor naderkom het en aangeneem het dit was haar seun.

WAARSKUWING: Die video is gewelddadig van aard en nie geskik vir sensitiewe kykers of kinders nie.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Ronel

Dit gaan nie ophou nie!!!! Die polisie is net so korup, so wie is daar om ons te help.

boerseun

Ai tannie. Ek bid vir tannie. Wens hul wou my so vat. Sou verseker met n pak in die hof gestaan het.sterkte

Veronica

Almagtige GOD, waar sal ons hulp vandaan kom?
NET VAN U ALLEEN . . .

Uvonka

Is dit nog enigsins menslik moontlik om die haatdraend te wees nie?

Helen

Ek sien dat die blou kar het agteruit gery toe die wit kar weg jaag? Het hy hulle dalk gevolg? Of werk hy saam hulle?