Betogers voor die Coligny-landdroshof in Noordwes. Foto: Twitter via @IanCameron23
ʼn Groep mense het Vrydagoggend voor die Coligny-landdroshof in Noordwes betoog voor die hofverskyning van twee mans wat teregstaan vir die moord op ʼn 12-jarige seun.
Die betogers het te midde van ʼn sterk polisieteenwoordigheid voor die hof gesing en gedans. Ian Cameron, hoof van gemeenskapsveiligheid by AfriForum, woon die hofverrigtinge by en sê hoewel die betogers voor die hof saamgedrom het, was die situasie steeds kalm en in bedwang. Cameron het gesê hy vermoed die betogers eis dat die twee mans nie op borgtog vrygelaat word nie, maar die rede vir hul betoging was nie onmiddellik duidelik nie.
Betogers voor die Coligny-landdroshof in Noordwes. Foto: Twitter via @IanCameron23
Maroela Media het vroeër berig die 12-jarige seun se dood het aanleiding gegee tot die gewelddadige betogings in Coligny waartydens minstens drie vragmotors en drie huise afgebrand en talle winkels geplunder is.
Pieter Karsten, die werkgewer van die twee mans, het in ʼn onderhoud met RSG se Monitor en Spektrum gesê die mans het twee seuns betrap dat hulle sonneblomme uit boere se landerye gesteel het. Hulle het vir die seuns gesê om agter op hul bakkie te klim sodat die mans hulle polisiestasie toe kon vat. Die een seun het weggehardloop en die ander seun het agter op die bakkie geklim.
Karsten beweer toe die bakkie om ʼn draai spoed verminder het, het die seun van die steeds bewegende voertuig afgespring. Hy het ernstige beserings opgedoen en is later oorlede.
Teen Donderdagmiddag kon die provinsiale polisiewoordvoerder steeds nie die identiteit van die seun bevestig nie.
Die mans sal na verwagting tussen 11:00 en 13:00 in die hof verskyn. Hulle was teen 10:30 nog nie by die hof nie.
‘n Video volg onderaan die berig.
-
- Betogers voor die Coligny-landdroshof in Noordwes (April 2017). Foto: Twitter via @HeinForum
-
- Betogers voor die Coligny-landdroshof in Noordwes. Foto: Twitter via @HeinForum
Dankie aan al die boere dat julle ons van kos voorsien. Ons weet dat daar n vierde mag is wat teen julle opruk. Dit werk so my goed is myne en julle goed is ook myne.
Wat n tragedie!! En die gevolge is wyd. Hierdie een gaan nie goed eindig nie!!
Die sogenaamde ooggetuie se verklaring hou nie veel water nie… as n liggaam gesleep word sal daar sleepmerke aan wees… in hierdie geval was daar geen merke nie ?
Die oorledene is nou nog nie eers geidentifiseer nie, maar die wat brand en steel is in vol getalle met monde wyyyd oop! Klink vir my die klok hang om die verkeerde bok se nek!!!