[Video] Boer se hartroerende boodskap ná plaasmoord

‘n Skermskoot uit die video.

ʼn Video van ʼn boer se hartroerende boodskap, nadat Joubert Conradie (47) ná ʼn aanval Dinsdag op ʼn plaas in die Klapmuts-omgewing tussen Stellenbosch en die Paarl gesterf het, word wyd op sosiale media versprei.

Conradie is Dinsdag in die vroeë oggendure op die plaas verskeie kere deur ʼn onbekende aantal aanvallers geskiet. Hy is na ʼn hospitaal gehaas waar hy tydens ʼn noodoperasie gesterf het.

ʼn Boer van die omgewing het in ʼn video vertel hoe Conradie se dood hom persoonlik en die gemeenskap as ʼn geheel geruk het. Die boer maak nie sy naam in die video bekend nie, maar hy noem wel dat hy vir Conradie geken het.

“ʼn Ou voel so magteloos en ʼn ou voel jy wil graag help en iets doen vir die land se boere. As ek nou kon getoor het, was die hele Kaapstad vanoggend omring deur groot trekkers dat niemand kan in of uit nie, want dit is net as jy chaos veroorsaak wat jy op grondvlak gehoor raak,” sê hy. “Ek voel ons moet iets doen sodat ons as die boeregemeenskap gehoor raak.”

Hy versoek mense wat die video kyk om Maandag swart aan te trek ter ondersteuning van die land se boere. Hy sê dat die swart kleredrag ʼn teken van respek sal wees teenoor die boere wat al vanjaar hul lewens verloor het. Hy sê hy wens ook dat daar Saterdag tydens die Curriebeker-eindstryd ʼn minuut van stilte gehou sal word vir die boere wat gesterf het.

Die boer se stem breek terwyl hy sê: “My vrou is baie bederf. Sy kry elke oggend ʼn koppie tee in die bed [en] elke aand voor sy gaan slaap. En partykeer is ʼn man ook nie lus nie. Maar vanoggend was dit weer ʼn voorreg om vir haar tee te kon vat.”

Lees ook: Klapmuts-plaasmoord: ‘Hulle het my hele lewe in ʼn minuut gevat’

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

99 Kommentare

jongste oudste gewildste
My hart is stukkend

My hart breek op die oomblik. Dis so sleg wat aangaan met die boere. Wens net die regering wil wakker skrik….

zoom zoom

Ons moet dankie sê vir hulle wat destyds JA gestem het. Nou word die vrugte daarvan gepluk en dit gaan net erger word

Chrisjan

Kom ons kyk wat maak SARU. Ek stel voor as hulle nie teen Vrydag 12:00 ‘n positiewe reaksie toon nie, almal wat enige medelye met boere het, die wedstryd boikot. Dis tyd om die streep in die sand te trek.

Bee

Aai …. dit my trane gegee….

Annakapat

Hartverskeurend