Video: Bolhuis vra ‘nederig om verskoning’ oor stemopname

Die private speurder Mike Bolhuis. (Foto: Facebook)

Die private speurder Mike Bolhuis het om verskoning gevra vir rassistiese opmerkings wat hy in ʼn stemopname gemaak het.

In ʼn onderhoud met eNuus sê Bolhuis die stemboodskap hou verband met ʼn afpersingsaak teen ʼn jong student waarby ʼn sindikaat betrokke is. “Ek het die Wes-Afrika-sindikaat wat daarby betrokke is – hulle is by die meeste van die sake betrokke – van ʼn kant af uitgetrap op die foon, basies teenoor hom, om die kontras te skets dat dit nie ʼn beautiful, pragtige girl is aan die ander kant nie, maar dat dit ʼn sindikaat is.

“Ek het ʼn verskriklike haat teen hierdie sindikate en ek het my mond gespoel. Dit was absoluut onprofessioneel, onaanvaarbaar en verkeerd,” het Bolhuis gesê.

Rapport het vroeër berig dat kykNET se bestuur ná die stemnota, en op regsadvies, besluit het om die tweede reeks van die program Bolhuis te kanselleer.

“Die verskoning is daar, ongeag of die reeks voortgaan of nie. Dis die regte ding om te doen. Ek kan nie sê liewe Jesus voor en agter en ek is ʼn Christen en ek tel nie my woorde nie. Ek moet, en ek sal, my naaste liefhê soos myself, en ek sal deurdag wees in die toekoms voordat ek ʼn sindikaat aanspreek.

“Daar is baie woorde wat ʼn ou kan gebruik, daai woorde was onvanpas en onnodig,” het Bolhuis gesê.

Bolhuis het in die onderhoud gesê hy hoop ander mense leer uit sy fout en dat mense hulle woorde sal tel en brûe en verhoudings sal bou.

“Ek vra nederig om verskoning. Ek vra dat julle my vergewe. Ek het verkeerd opgetree. Dit was onprofessioneel. Ek het baie mense seergemaak, ek het baie goeie verhoudings met baie mense en ek hoop dat julle dit in julle harte kan vind om my te vergewe.”

Bolhuis wou Vrydag geen verdere kommentaar oor die saak lewer nie en het navrae na Rian van Heerden, die vervaardiger van Bolhuis, verwys.

Volgens Rapport se artikel het Bolhuis in die stemnota na ʼn swart mens as “gietswart h**tk*p” en “n***r” verwys.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
kolla

Ek is jammer maar hy sal hiervoor aangekla moet word. Ander sit in die tronk vir dieselfde twak. Dubbelstandaarde as hy hiermee wegkom en ander nie.

Koos de Meyer.

Hoekom moet ons altyd omveskoning vra. Vryheid van spraak bestaan net vir ons mede lands burgers.

Annelie

Hy is geboelie en verkleineer op nasionale televisie! Ons moet mos altyd die ‘minste’ wees. Om van op te gooi!

Bekkie

Mike, Christen of nie, ons almal verloor ons cool someway…….laat die wat hulle bekke so was dan die eerste klip optel en gooi as hulle dan so volmaak is. Jy doen goeie werk, en baie trots jou en jou span !!

leser

hy gaan ook sekerlik tronk toe vir sy haatspraak uitlatings soos wat reeds met witmense gebeur het
die witmense wat nou reeds hul straf uitdien het ook om veskoning gevra, maar is gestraf, maak nie saak om verskoning te vra na ‘n hof geding of lank voor die hofsitting gaan plaasvind nie, straf gaan jy kry