Video: Chaos by HTS Witbank

Ouers en lede van die gemeenskap het Maandagoggend voor die skool saamgedrom (Foto: Skermskoot)

Gemoedere by die Hoër Tegniese Skool Witbank het Maandag gedreig om oor te kook toe ouers van die skool en lede van die gemeenskap slaags geraak en mekaar byna met vuiste bygedam het.

Jasper Zwane, woordvoerder van die provinsiale onderwysdepartement, is tans op die toneel en het aan Maroela Media bevestig dat die situasie gespanne is, maar tans in bedwang is. Hy sê die polisie is ook intussen by die skool ontplooi.

“Die departement sal later ʼn volledige verklaring oor die gebeure uitreik,” sê Zwane.

In ʼn video wat op sosiale media gedeel is, kan gesien word hoe ʼn groep mense voor die skool sing en dans. Die video is omstreeks 09:30 deur Witbank News op sy Facebookblad gedeel. Daarin kan gesien word hoe mense mekaar beetkry.

In dié video kan ook gesien word hoe sommige mense met sambokke gewapen is.

Lede van die Bittereinders-jeugbeweging is ook op die toneel.

In stemboodskappe wat vanoggend rondgevlieg het, vra iemand bystand nadat die situasie by die skool glo begin handuit ruk het. In nóg ʼn stemboodskap sê iemand dat “hulle van agter af met sambokke geslaan word”.

Maroela Media het ʼn navraag oor die voorval aan die polisie en die skool gerig, maar wag nog vir terugvoer.

Die oproer volg ná verlede week se oproer by die skool toe ʼn video aan die lig gekom het wat wys hoe talle leerders in ʼn vuisgeveg betrokke is voordat daar tussenbeide getree word. Die voorval het Dinsdag plaasgevind.

Zwane het beweer dit blyk ʼn “rassegeveg” te wees. Daar kan in die video gesien word dat wit en swart leerders by die geveg betrokke was.

Dit is nog nie duidelik of vandag se onluste met dié spesifieke voorval te make het nie.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

27 Kommentare

jongste oudste gewildste
Misky

Dit hou net nie op nie!!!! Skool is nie meer skool en waar kinders opvoeding ontvang nie. Rassehaat word so in almal se kele afgedwing en het plofbaar geraak. Vat baie min deesdae vir iemand om te “snap”

Dup

Hulle sal nie rus alvorens alle blanke leerders van skoolterreine verdryf is nie!

Debby

Wat soek hulle in die 1 ste plek in ons skole, dat hulle terug gaan waar hulle vandaan kom

Elize

Vanwaar hierdie neiging dat mense van ander kleur nie met mekaar kan verskil nie? Speel die bal en nie die man. Ek kan van jou verskil of jy ‘n man of ‘n vrou is, of jy wit, bruin of swart is. Dit gaan oor die geskil en nie die kleur nie.

Swerwer

Opstokers of ouers? Daar was beslis nie so baie jong manne wat aanmekaar gespring het nie.
Hierdie is nou net weer ‘n rasse uitlokking van landsburgers wat absoluut niks met die saak te doen
het nie.