[Video] Drie sterf toe trokke brand ná botsing

Foto: Verskaf

Drie mense is dood nadat twee vragmotors, waarvan een chemikalieë vervoer het, Woensdagoggend op die N2 naby Piet Retief in Mpumalanga gebots en aan die brand geslaan het.

Joseph Mabuza, woordvoerder van Mpumalanga se departement vir gemeenskapsveiligheid en sekuriteit, het gesê die ongeluk het naby Panbult ongeveer 35 km van Piet Retief af gebeur. Die N2 was ure lank gesluit terwyl die toneel skoongemaak is.

“Twee vragmotors, waarvan een chemikalieë vervoer het, het reg van voor gebots en ontplof. ʼn Motor wat agter een van die vragmotors gery het, was ook in die ongeluk betrokke,” het Mabuza gesê. “Al drie bestuurders het op die toneel gesterf.”

Pat Ngomane, die provinsiale LUR vir gemeenskapsveiligheid en sekuriteit, het sy medelye teenoor die families van die oorledenes uitgespreek. Hy het ʼn beroep op motoriste gedoen om die verkeersreëls te gehoorsaam en op verantwoordelike wyse te bestuur.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

snoefie ·

so tog en die pad is reeds so smal daar. nou is daar meer skade aan die pad wat net verdere erosie gaan veroorsaak. simpatie en sterkte aan die families.

Hendrik ·

Wat regtig gebeur het is dat die bestuurder van die klein bakkie het die groot vragmotor verby gegaan het en die bestuurder het homself misgis met die afstand van die aankomende vragmotor. Hy het die aankomende vragmotor se band getref. Die vragmotor se band het gebars en in die ander vragmotor vasgejaag.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.